Category: Без рубрики (Page 4 of 258)

Өңірлер, қоғамдық және этномәдени бірлестіктердің өкілдері – Қазақстан Халық Кеңесінің құрамы жарияланды

Мемлекет басшысының Жарлығымен Қазақстан Халық Кеңесінің құрамы бекітілді. Бұл туралы Ақорданың баспасөз қызметі хабарлады. 
«Қазақстан Халық Кеңесі туралы» Қазақстан Республикасы Конституциялық заңының 5-бабының 1) тармақшасына сәйкес ҚАУЛЫ ЕТЕМІН:

1. Қоса беріліп отырған Қазақстан Халық Кеңесінің құрамы бекітілсін.
2. Осы Жарлық қол қойылған күнінен бастап қолданысқа енгізіледі.
   Қазақстан Республикасының
   Президенті Қ.Тоқаев
   Астана, Ақорда, 2026 жылғы 22 қыркүйек
   № 1474
   Қазақстан Республикасы
   Президентінің
   2026 жылғы 22 қыркүйектегі
   № 1474 Жарлығымен
   БЕКІТІЛГЕН
   Қазақстан Халық Кеңесінің
   ҚҰРАМЫ
3. Аймұрзаева Раушан Нұрғалиқызы – Маңғыстау облысы мәслихатының депутаты
4. Акижанова Гаухар Берікқызы – Қарағанды облысы Қоғамдық кеңесінің мүшесі, Қарағанды облысының халықтың әлеуметтік жағынан осал санаттарының құқықтары жөніндегі уәкілі
5. Ақтаев Жандос Берікұлы – «Esti Bol Qory» қоғамдық қорының төрағасы
6. Алтай Алмас – «Eco-social» қоғамдық бірлестігінің мүшесі, журналист
7. Алтынбеков Бекзат Қомарұлы – Қарағанды облысы Ақсақалдар кеңесінің төрағасы, «Әділет» партиясы» қоғамдық бірлестігінің Қарағанды облыстық филиалының төрағасы
8. Антоненко Андрей Иванович – дипломатиялық қызмет ардагері
9. Арсютин Николай Геннадьевич – «Орыс, славян және казак этномәдени бірлестіктерінің қауымдастығы» заңды тұлғалар бірлестігінің мүшесі, қоғам қайраткері
10. Асанов Латипша Каймаханович – «Ахыска» түрік этномәдени бірлестігі» қоғамдық бірлестігінің Шымкент қалалық филиалының төрағасы
11. Атайбеков Бақыт Ынтықбайұлы – «Герефорд тұқымының республикалық палатасы» коммерциялық емес ұйымы кеңесінің төрағасы
12. Әбдібеков Нұрбек Елікбайұлы – Қостанай облысы Қоғамдық кеңесінің мүшесі
13. Әбенов Мұрат Абдуламитұлы – «Қазақстан халқына» қоғамдық қоры қамқоршылық кеңесінің мүшесі, қоғам қайраткері
14. Әбіл Еркін Аманжолұлы – «Мемлекет тарихы институты» республикалық мемлекеттік мекемесі директорының бірінші орынбасары
15. Әзілханов Марат Алмасұлы – «Шаңырақ» кафедралар қауымдастығы» республикалық қоғамдық бірлестігінің мүшесі, қоғам қайраткері
16. Әлтай Аманжол Дүйсенбайұлы – «Айтыс ақындары мен жыршы-термешілердің халықаралық одағы» қоғамдық бірлестігі төрағасының бірінші орынбасары
17. Әмірғалиева Айгүл Маулышарифқызы – Атырау облысы мәслихатының депутаты
18. Байрамуков Ислам Ильясович – «Жамбыл облысы қарашайлар мен балқарлар этномәдени бірлестігі» қоғамдық бірлестігінің мүшесі, еңбек сіңірген спорт шебері, ХХVІІ жазғы олимпиада ойындарының күміс жүлдегері
19. Бапи Ермұрат Сейтқазыұлы – қоғам қайраткері
20. Бимұратқызы Жанар – Қызылорда облысы Білім басқармасының «Сыр жұлдыздары» балалар мен жасөспірімдерге арналған шығармашылық және инновация академиясы» қосымша білім беру орталығы» коммуналдық мемлекеттік мекемесі директорының міндетін атқарушы
21. Болатбек Уәлихан Болатбекұлы – Тараз қаласы Қоғамдық кеңесінің мүшесі, «Әділет» партиясы» қоғамдық бірлестігі Жамбыл облыстық филиалы төрағасының орынбасары;
22. Борчашвили Исидор Шамилович – «Астана халықаралық университеті» жауапкершілігі шектеулі серіктестігі Жоғары құқық мектебінің профессоры
23. Буларов Лугмар Харкиевич – «Қазақстандағы дүнгендердің этномәдени бірлестігі» республикалық қоғамдық бірлестігі байқау кеңесінің төрағасы
24. Гаджибалаев Рафаил Сададдин оглы – «Қостанай облысындағы әзербайжандардың «Бірлік» этномәдени бірлестігі» қоғамдық бірлестігінің төрағасы
25. Гаджиев Гаджи Шапиевич – «Қазақстан Республикасы Ұлттық олимпиада комитеті» қоғамдық бірлестігінің вице-президенті
26. Газдиева Белла Асланбековна – «Вайнах» шешендер мен ингуштар қауымдастығы» республикалық этномәдени бірлестігі» заңды тұлғалар бірлестігінің мүшесі, «Ш.Уәлиханов атындағы Көкшетау университеті» коммерциялық емес акционерлік қоғамының профессоры
27. Гайдай Андрей Николаевич – «Марат Оспанов атындағы Батыс Қазақстан медицина университеті» коммерциялық емес акционерлік қоғамының кафедра доценті
28. Дәулеталин Сатыбалды Телағысұлы – «Қазақстан Республикасы кәсіподақтар федерациясы» кәсіподақтардың республикалық бірлестігінің төрағасы
29. Дәуталиев Қазыбек Нұрсейітұлы – Алматы облысы Қоғамдық кеңесінің төрағасы, «Қазақстан Республикасы Президентінің жанындағы Мемлекеттік басқару академиясы» республикалық мемлекеттік қазыналық кәсіпорны Алматы облысы бойынша филиалының директоры
30. Дементьева Наталья Григорьевна – «Аналар мектебі» қоғамдық қорының мүшесі, қоғам қайраткері
31. Джанаев Увайс Хаважиевич – «Вайнах» шешен-ингуш этномәдени бірлестігі» қоғамдық бірлестігінің төрағасы
32. Ертаев Сырым Махамбетұлы – Түркістан облысы Қоғамдық кеңесінің мүшесі
33. Жақыпов Нұржан Бауыржанұлы – Алматы қаласы Қоғамдық кеңесінің мүшесі, «Almaty Azаmattyq Alliance» заңды тұлғалар бірлестігінің төрағасы
34. Жанықұлов Жұмабек Есілбекұлы – «PARYZ» Қазақстан Республикасы Жұмыс берушілердің (кәсіпкерлердің) ұлттық конфедерациясы» заңды тұлғалар бірлестігі төралқасының төрағасы
35. Жаңбыршин Еділ Терекбайұлы – «Саламатты Ел» қоғамдық қорының мүшесі, қоғам қайраткері
36. Жаңбыршина Қырмызы Сапарқызы – Қостанай облысы мәслихатының депутаты, Қостанай облысы бойынша «Қазақстан әйелдері күштерінің альянсы» қауымдастық нысанындағы заңды тұлғалар бірлестігі үйлестіру кеңесінің мүшесі
37. Жүнісова Фарида Амансарықызы – Жамбыл облысы мәслихатының депутаты, Жамбыл облысының кәсіпкерлер палатасы өңірлік кеңесінің төрағасы
38. Жұмашев Мейрамбек Тоғысұлы – Қызылорда облысы мәслихатының депутаты
39. Жүсіп Нұртөре Байтілесұлы – «Қазақстанның Медиа Альянсы» қоғамдық бірлестігінің жетекшісі, қоғам қайраткері
40. Жүсіпов Бекмұрат Қыдырбайұлы – Маңғыстау облысы Қоғамдық кеңесінің төрағасы
41. Зейнұлқабден Табиғат – Астана қаласы мәслихатының төрағасы
42. Зенченко Геннадий Геннадьевич – Қазақстанның Еңбек Ері, «Зенченко және Компания» коммандиттік серiктестiгiнің бас директоры
43. Иманқұлов Әбдез Рахманұлы – Шымкент қаласы Қоғамдық кеңесінің мүшесі
44. Исбекова Әйгерім Әуезқызы – Қарағанды қаласы Білім бөлімінің «Кәусар» оқушылар сарайы» коммуналдық мемлекеттік мекемесінің директоры
45. Исмаилов Акбаржон Яхияхожаевич – «Тәжіктердің республикалық этномәдени бірлестігі» республикалық қоғамдық бірлестігінің төрағасы
46. Исматуллаев Абдулла Жапарович – «Дустлик» өзбектердің этномәдени қоғамдық бірлестіктерінің қауымдастығы» заңды тұлғалар бірлестігінің төрағасы
47. Кан Алина Александровна – «Қазақстандағы немістердің республикалық этномәдени бірлестігі» қоғамдық қорының мүшесі, «Ер Азамат» қоғамдық бірлестігінің мүшесі, «Alash» тіл үйрету клубының негізін қалаушы
48. Канкуров Станислав Владимирович – «Қазақстан заңгерлер одағы» республикалық қоғамдық бірлестігінің мүшесі, «Әділет» партиясы» қоғамдық бірлестігі Алматы қалалық филиалының жетекшісі
49. Кенжеханұлы Рауан – «Халықаралық «Қазақ тілі» қоғамы» қоғамдық бірлестігінің президенті
50. Кереев Қайрат Нұрғабылұлы – Жетісу облысы мәслихатының депутаты
51. Ким Вера Александровна – «Ұлттық волонтерлік желі» қауымдастық нысанындағы заңды тұлғалар бірлестігінің төрағасы
52. Көбеева Алтынай Орманқалиқызы – «Ақпараттық-ресурстық орталық» қоғамдық қорының Алматы қаласындағы басшысы
53. Көпжасарұлы Ерқанат – «Ақпараттық-ресурстық орталық» қоғамдық қорының мүшесі, журналист
54. Куприенко Александр Григорьевич – Қарағанды облысы мәслихатының депутаты
55. Күнәділов Төлеген Нығыметжанұлы – Астана қаласы Қоғамдық кеңесінің мүшесі, «Астана қаласының кәсіподақ орталығы» аумақтық кәсіподақтар бірлестігінің төрағасы
56. Қайдарова Диляра Радикқызы – «С.Ж. Асфендияров атындағы Қазақ ұлттық медицина университеті» коммерциялық емес акционерлік қоғамының бірінші проректоры
57. Қалтаева Ләззат Молдабекқызы – «Шырақ» мүгедектігі бар әйелдер қауымдастығы» қоғамдық бірлестігінің төрағасы, Біріккен Ұлттар Ұйымы Мүгедектер құқықтары жөніндегі комитетінің мүшесі
58. Қарт Мерей Мейіртайұлы – Абай облысы мәслихатының депутаты, «Абай атындағы облыстық әмбебап кітапхана» коммуналдық мемлекеттік мекемесінің директоры
59. Қопабаев Әділхан Амангелдіұлы – «Digital Nomads» IT-қоғамдастығының мүшесі, Apple Inc. мемлекеттік органдармен байланыс және Орталық Азия мен Арменияға арналған саясат бөлімінің басшысы
60. Қоспаева Шолпан Насиболлақызы – Батыс Қазақстан облысы Қоғамдық кеңесінің мүшесі
61. Қосшиев Назарбек Төлеуішұлы – Атырау облысы Қоғамдық кеңесінің мүшесі, «Атырау» облыстық қоғамдық-саяси газетінің бас редакторы
62. Құрманалин Сағынғазы Даниярұлы – Ақтөбе облысы Қоғамдық кеңесінің төрағасы
63. Құсметова Әсел Нұрланқызы – Шығыс Қазақстан облысы Қоғамдық кеңесінің мүшесі, Шығыс Қазақстан облысы Кәсіпкерлер палатасының Ұлан ауданы филиалының директоры
64. Қыдырманов Әсет Серікқалиұлы – Жетісу облысы Қоғамдық кеңесінің төрағасы, «Алматы облысы кәсіподақ орталығы» аумақтық кәсіподақтар бірлестігінің төрағасы
65. Қисықова Сәуле Дүйсебекқызы – «Қазақстан Республикасы Президенті Іс басқармасының Медициналық орталығы» мемлекеттік мекемесі директорының кеңесшісі, медицина ғылымдарының докторы
66. Лаврентьев Андрей Сергеевич – «Қазақстан машина жасаушылар одағы» заңды тұлғалар бірлестігінің басқарма мүшесі
67. Лактюшин Дмитрий Николаевич – «Орыс, славян және казак этномәдени бірлестіктерінің қауымдастығы» заңды тұлғалар бірлестігі төрағасының орынбасары
68. Локшин Вячеслав Нотанович – «Мицва» қауымдастығы» заңды тұлғалар бірлестігінің мүшесі, «Қазақстан Республикасы Президентінің жанындағы «Қазақстан Республикасының Ұлттық ғылым академиясы» коммерциялық емес акционерлік қоғамының академигі
69. Лукин Андрей Иванович – қоғам қайраткері
70. Мақышев Тұрсынбек Шамбұлұлы – Сәтпаев қаласы Қоғамдық кеңесінің мүшесі, Қазақстанның Еңбек Ері
71. Малькова-Солопова Алёна Юрьевна – Ақмола облысы Білім басқармасының жанындағы «Құрылыс-технологиялық колледжі» мемлекеттік коммуналдық қазыналық кәсіпорнының оқытушысы
72. Маткенов Мұрат Қадерұлы – Ұлытау облысы мәслихатының депутаты, Қарсақпай металлургия зауытының директоры
73. Мәлікова Сәуле Зейноллақызы – Солтүстік Қазақстан облысы Қоғамдық кеңесінің мүшесі, «Солтүстік Қазақстан Мәдениет, тілдерді дамыту және архив ісі басқармасының мемлекеттік архиві» коммуналдық мемлекеттік мекемесінің директоры
74. Мельниченко Юрий Васильевич – «Қазақстан күрес федерациясы» республикалық қоғамдық бірлестігінің вице-президенті, еңбек сіңірген спорт шебері, ХХVІ жазғы олимпиада ойындарының чемпионы
75. Микаелян Наринэ Гамлетовна – «Наири» армян этномәдени бірлестіктерінің қауымдастығы» заңды тұлғалар бірлестігінің төрағасы
76. Мусин Бағдат Батырбекұлы – Спорттық бағдарламалар жасау федерациясының президенті, «Қазақтелеком» акционерлік қоғамының басқарма төрағасы
77. Мусин Манат Айтбайұлы – Ақмола облысы мәслихатының депутаты
78. Мұқаев Мұрат Рахметұлы – Батыс Қазақстан облысы мәслихатының төрағасы
79. Мұқанова Роза Қажығалымқызы – Қазақстан Жазушылар одағының мүшесі, жазушы, драматург
80. Мухамеджанов Евгений Викторович – Алматы қаласы Қоғамдық кеңесінің мүшесі, «ECO Network» жобасының негізін қалаушы
81. Мұсабеков Арман Төлегенұлы – Павлодар облысы мәслихатының депутаты, «Ғ. Сұлтанов атындағы Павлодар облыстық ауруханасы» шаруашылық жүргізу құқығындағы коммуналдық мемлекеттік кәсіпорнының директоры
82. Мұхтарова Найла Алтайқызы – «Қазақстан әлеуметтанушылар қауымдастығы» қоғамдық бірлестігінің мүшесі, «Жастар» ғылыми-зерттеу орталығы» жауапкершілігі шектеулі серіктестігінің директоры
83. Мусапиров Жанұзақ Керімбекұлы – «Қазақстан Республикасының Көркем сурет академиясы» қоғамдық қорының вице-президенті
84. Мүтәліп Шахмұрат – «Қазақстан бокс федерациясы» қауымдастық нысанындағы заңды тұлғалар бірлестігінің президенті
85. Мырзағараев Мәди Жомартұлы – Республикалық адвокаттар алқасының төрағасы
86. Надыров Камалжан Талғатұлы – «Қазақстандағы ұйғырлардың республикалық этномәдени орталығы» қоғамдық бірлестігінің мүшесі, «Орталық Азия биотехнологиялар қауымдастығы» қоғамдық бірлестігінің жетекшісі
87. Нысанбаев Ерлан Нұралыұлы – мемлекет қайраткері
88. Огузхан Абдулкарим – «Алматы қаласындағы түрікмен этномәдени бірлестігі» қоғамдық бірлестігінің төрағасы
89. Омаров Бауыржан Жұмаханұлы – Қазақстан Жазушылар одағының мүшесі, «Қазақстан Республикасы Президентінің жанындағы «Қазақстан Республикасының Ұлттық ғылым академиясы» коммерциялық емес акционерлік қоғамының академигі, Қазақстан Респубикасы Президентінің кеңесшісі
90. Орынбасаров Нұрсұлтан Жұмабайұлы – Алматы облысы мәслихатының депутаты, Сағадат Нұрмағамбетов атындағы «Sagadat Batyr» спорт клубының директоры
91. Орынбеков Думан Рымғалиұлы – Абай облысы Қоғамдық кеңесінің мүшесі, «Семей қаласының Шәкәрім атындағы университеті» коммерциялық емес акционерлік қоғамының басқарма төрағасы – ректоры
92. Осин Кирилл Владимирович – «ЭкоМаңғыстау» үкіметтік емес мекемесінің директоры
93. Останькович Дмитрий Валерьевич – «Родны кут» беларусь этномәдени бірлестіктерінің қауымдастығы» заңды тұлғалар бірлестігінің төрағасы
94. Оторбаев Ардақ Рахметоллаұлы – Астана қаласы Қоғамдық кеңесінің мүшесі, «Jasa-Life» орталығы» мүгедектігі бар адамдар қоғамдық бірлестігінің төрағасы
95. Отыншиев Мейіржан Батырбекұлы – Алматы қаласы мәслихатының төрағасы
96. Павленко Дмитрий Иванович – «Қостанай автомобиль көлігі жоғары колледжі» коммуналдық мемлекеттік қазыналық кәсіпорнының директоры
97. Поломарчук Борис Викторович – Павлодар облысы Қоғамдық кеңесінің мүшесі, «Торайғыров университеті» коммерциялық емес акционерлік қоғамының оқытушысы
98. Правдина Вера Николаевна – «Шығыс Қазақстан орыс мәдени орталығы» жергілікті этномәдени қоғамдық бірлестігінің төрағасы
99. Рақышева Ботагөз Исламқызы – «Қоғамдық пікір» зерттеу институты» жауапкершілігі шектеулі серіктестігінің директоры, Қазақстан Республикасы Президентінің жанындағы Мемлекеттік басқару академиясының Ұлттық мемлекеттік саясат мектебінің доценті
100. Рахметулина Бағдат Сағынғанқызы – Ақмола облысы Қоғамдық кеңесінің мүшесі, «Ш. Уәлиханов атындағы Көкшетау университеті» коммерциялық емес акционерлік қоғамының қауымдастырылған профессоры
101. Рыпаков Денис Сергеевич – Шығыс Қазақстан облысы мәслихатының төрағасы
102. Сабильянов Нұртай Салихұлы – қоғам қайраткері
103. Сәдуақасова Айгүл Кәкімбекқызы – «Философия, саясаттану және дінтану институты» шаруашылық жүргізу құқығындағы республикалық мемлекеттік кәсіпорнының директоры
104. Сәлімов Алмас Алтайұлы – Түркістан облысы мәслихатының депутаты
105. Серікжанова Әйгерім Телжанқызы – «Креативті индустрияларды дамыту қоры» корпоративтік қорының креативті технологиялар және жасанды интеллект зертханасының басшысы
106. Соловьёва Ирина Анатольевна – «Семей қаласындағы Ф.М. Достоевскийдің әдеби-мемориалдық музейі» коммуналдық мемлекеттік қазыналық кәсіпорнының директоры
107. Спирина Ольга Сергеевна – «Қазақша Speaking Club» қоғамдық жобасының авторы, тележүргізуші
108. Стадникова Лилия Викторовна – Павлодар облысы Білім басқармасының «Дарынды балаларға арналған № 8 мектеп-лицей» коммуналдық мемлекеттік мекемесінің мұғалімі, Қазақстанның еңбек сіңірген ұстазы
109. Сураган Дурвудхан – «Қазақстан Республикасы Президентінің жанындағы «Қазақстан Республикасының Ұлттық ғылым академиясы» коммерциялық емес акционерлік қоғамының академигі
110. Сүйінтаева Гүлқасима Рамазанқызы – Ақтөбе облысы мәслихатының төрағасы
111. Сүлеймен Олжас Серікбайұлы – «Qazaqstan Team» республикалық қоғамдық жастар бірлестігінің жетекшісі
112. Тахтай Василий Сергеевич – «Дала қырандары» жастар қоғамдық бірлестігінің үйлестірушісі
113. Ташыбеков Манас Нурмаматович – «Қазақстандағы қырғыздардың этномәдени бірлестігі» заңды тұлғалар бірлестігі төрағасының орынбасары
114. Тварионас Виталий Ионо – «Lituanica» этномәдени бірлестігі» қоғамдық бірлестігінің төрағасы
115. Тимощенко Юрий Евгениевич – «Украиндар радасы» этномәдени бірлестігі» заңды тұлғалар бірлестігінің төрағасы
116. Төреханов Роман Алмаханұлы – «Қазақстан бокс федерациясы» қауымдастық нысанындағы заңды тұлғалар бірлестігінің құрметті президенті
117. Тұрдалиева Ақнұр Нұрталапқызы – «Жас Ұлан» бірыңғай балалар мен жасөспірімдер ұйымы» республикалық қоғамдық бірлестігінің төрағасы
118. Усанова Руфина Касымовна – «Татар мәдениетінің «Туган тел» этномәдени бірлестігі» қоғамдық бірлестігінің мүшесі, «Қоғамдық келісім» республикалық мемлекеттік мекемесі директорының орынбасары
119. Ұлжекова Нұргүл Төленқызы – «Қазақстан бочча федерациясы» республикалық қоғамдық бірлестігінің бас хатшысы
120. Хмелевский Виталий Альбертович – «Қазақстандағы поляктар одағы» этномәдени бірлестігі» заңды тұлғалар бірлестігінің төрағасы
121. Цхай Александра Сергеевна – «Қазақстандағы корейлер қауымдастығы» этномәдени бірлестігі» республикалық қоғамдық бірлестігі төрағасының орынбасары
122. Шағыртаев Имамзада Қуанышбайұлы – Қызылорда облысы Қоғамдық кеңесінің мүшесі, Қазақстанның Еңбек Ері, «Таң ЛТД» жауапкершілігі шектеулі серіктестігінің директоры
123. Шанаи Нәзипа Ыдырысқызы – республикалық Аналар кеңесінің төрағасы
124. Шиповских Геннадий Геннадиевич – «Жастар үні» республикалық қоғамдық бірлестігінің мүшесі
125. Шыңғысбаева Ләззат Алтынбекқызы – «Қазақстан халқына» қоғамдық қорының басқарма төрағасы
126. Ысқақова Жұлдызай Амангелдіқызы – «Қазақстандық қоғамдық даму институты» коммерциялық емес акционерлік қоғамының басқарма төрағасы
127. Эктова Ирина Андреевна – Солтүстік Қазақстан облысы мәслихатының депутаты
128. Юсупова Әлия Мақсұтқызы – Шымкент қаласы мәслихатының депутаты, «Қазақстан ұлттық гимнастика федерациясы» қауымдастық нысанындағы заңды тұлғалар бірлестігінің президенті.

Мүлік салығы: ақмолалықтарға төлем мерзімі ескертілді

Өңірдегі тұрғындар мен жер учаскелерінің иелері 2025 жыл үшін мүлік салығын 1 қазанға дейін төлеуі қажет. Төлем мерзімі және берешегі бар азаматтарға қолданылатын шаралар туралы брифингте Ақмола облысы бойынша Мемлекеттік кірістер департаменті басқармасы басшысының міндетін атқарушы Махамбет Нұрлан айтты.

Мүлік салығын жеке меншігінде тұрғын үйі, саяжай құрылыстары, гаражы, автотұрағы және басқа да жылжымайтын мүлік нысандары, сондай-ақ жер учаскелері бар жеке тұлғалар төлейді.

Салық сомасы Салық кодексінде белгіленген формулаларға сәйкес салық базасы негізінде есептеледі.

«Биыл қазан айының басында жеке тұлғалардың меншігіндегі жылжымайтын мүлік пен жер учаскелері үшін 2025 жылға есептелген мүлік салығын төлеу мерзімі аяқталады», – деді Махамбет Нұрлан.

Салықты жылжымайтын мүлік орналасқан жер бойынша төлеу қажет. Белгіленген мерзімде берешек өтелмеген жағдайда, 2 қазаннан бастап заңда көзделген шаралар қолданылады. Кешіктірілген әр күн үшін өсімпұл есептеледі. Сондай-ақ берешегі бар азаматтардың кейбір банк операцияларына шектеу қойылуы мүмкін.

Егер берешек мөлшері 1 АЕК-тен асса, белгіленген мерзім аяқталғаннан кейін салық органы салық бұйрығын шығарады. Қарыз бес жұмыс күні ішінде өтелмеген жағдайда, құжат жеке сот орындаушысына беріледі. Бұдан кейін банктегі шоттар мен мүлікке тыйым салынуы, сондай-ақ Қазақстан аумағынан шығуға шектеу қойылуы мүмкін. Сонымен қатар борышкер жеке сот орындаушысының қызмет ақысын төлеуге міндетті.

Ақмола астығы жаңа нарықтарға жол ашуда: өңір АӨК пен терең өңдеуді қалай дамытуда

Өңір агроөнеркәсіптік кешенді өндіріс көлемін арттыру, өнім сапасын жақсарту, заманауи технологияларды енгізу және экспорттық мүмкіндіктерді кеңейту бағыттарын ұштастыра отырып, жүйелі түрде дамытып келеді. Бұл тәсіл Президенттің Жолдауында агроөнеркәсіптік кешенді дамыту және экономиканы цифрландыру бойынша айқындалған міндеттерге сәйкес келеді. Бүгінде атқарылған жұмыстың нәтижелері өңір шаруашылықтарынан тікелей көрініс табуда.

Бұған Ақмола облысының әкімі Марат Ахметжановтың Буланды ауданындағы «Даниловское и К» ЖШС егіс алқаптарына жұмыс сапары барысында көз жеткізілді. Мұнда Нидерланд, Польша, Латвия, Эстония және Солтүстік Македония елшіліктерінің өкілдері қатысқан шетелдік делегацияға облыстың аграрлық секторының мүмкіндіктері, астық сапасы және оны одан әрі өңдеудің перспективалары таныстырылды.

Биыл ақмолалық диқандар 5,2 млн тонна астық жинады. Бұл ретте әңгіме тек көлем туралы емес. Астық қабылдау кәсіпорындарына түскен астықтың 86%-дан астамы жоғары өтімді үшінші класқа жатқызылды. Ал құрамында ақуызы жоғары Hi-Pro санатындағы бидайдың үлесі 70%-ға жетеді. Дәл осындай көрсеткіштер өңірдің сыртқы нарықтардағы позициясын нығайтуға мүмкіндік береді.

Биылғы жаздағы күрделі ауа райы жағдайын ескерсек, жоғары сапалы өнім алу ерекше маңызды. Облыс әкімі Марат Ахметжанов атап өткендей, мұндай нәтижеге мемлекеттік қолдаудың, заманауи агротехнологиялар мен цифрлық шешімдердің үйлесуі арқасында қол жеткізілді.

Ақмола облысында «Таза Қазақстан» аясындағы ауқымды экологиялық жұмыс жалғасуда

Өңірде абаттандыру, көгалдандыру және аумақтарды тазарту бойынша жүйелі жұмыс жалғасуда. Кезекті ауқымды кезең Мемлекет басшысының «Таза Қазақстан» бастамасына және халықаралық World Cleanup Day – Дүниежүзілік тазалық күніне орай ұйымдастырылған экологиялық акция болды. Оған өңірдің 40 мыңға жуық тұрғыны – белсенділер, волонтерлер, мектеп оқушылары және қоршаған ортаға бейжай қарамайтын азаматтар қатысты.

Акция алаңдарының бірі Ақкөл қаласының саябағы болды. Мұнда экологиялық бастамаға қатысушылармен бірге Ақмола облысының әкімі Марат Ахметжанов ағаш отырғызды.

«Мемлекет басшысының «Таза Қазақстан» бастамасы табиғатқа деген құрметтің айқын көрінісіне және жоғары экологиялық мәдениетті қалыптастырудың белгісіне айналды. Қоршаған ортаға қамқорлық жасау – әрқайсымыздың ортақ жауапкершілігіміз. Бүгін ағаш отырғыза отырып, біз туған өлкемізді абаттандырып қана қоймай, болашақ ұрпаққа мұра қалыптастырамыз. Мұндай бастамалардың тұрғындарды біріктіріп, жастардың табиғатқа ұқыпты қарауын қалыптастыруы маңызды», – деді Марат Ахметжанов.

Бұл күні облыстың барлық аудандары мен қалаларында экологиялық іс-шаралар өтті. Тұрғындар аумақтарды тазалап, саябақтар мен қоғамдық орындарды ретке келтіріп, аулалар мен көшелерді абаттандырды. Көгалдандыруға ерекше көңіл бөлінді – акцияға қатысушылар қарағай, шырша, терек, қайың, үйеңкі, балқарағай және түрлі бұталардың 4,6 мыңнан астам көшетін отырғызды.

Көптеген қатысушылар үшін акция таныс аумақтарды ретке келтіру мүмкіндігі ғана емес, ортақ іске өз үлесін қосу тәсіліне айналды. Волонтер Жолбарыс Қыпшақпай экологиялық мәдениет ең алдымен жеке жауапкершіліктен басталатынын атап өтті.

«Бізді «Таза Қазақстан» акциясы біріктірді. Қоршаған ортаның тазалығына қамқорлық жасау жай ғана міндет емес, әр адамның әдетіне айналуы керек. Мен үшін «Таза Қазақстан» – ең алдымен Отанға деген сүйіспеншілік, жауапкершілік және айналадағы әлемді жақсартуға деген шынайы ниет», – деді волонтер.

Бұл ретте өңірдегі экологиялық жұмыс жекелеген акциялармен шектелмейді. Көгалдандыру және абаттандыру жұмыстары тұрақты негізде жүргізіледі. Тек биылдың өзінде 2,8 мың гектар аумаққа шамамен 16 млн ағаш отырғызылды.

Соңғы жылдардағы көрсеткіштер бұдан да ауқымды. 2021-2025 жылдар аралығында Ақмола облысында 11 мың гектар аумаққа 74 млн көшет отырғызылды. Бұл көрсеткіштер көгалдандыру жұмыстарының біртіндеп өңірдің қоршаған ортасына салынатын ұзақ мерзімді инвестицияға айналып келе жатқанын көрсетеді.

Бүгінде «Таза Қазақстан» облыс тұрғындарын қарапайым, бірақ маңызды міндеттердің айналасына біріктіруде – көшелер мен қоғамдық аумақтардың тазалығын сақтау, табиғатқа қамқорлық жасау, қалалар мен ауылдарды көгалдандыру. Ал мұндай бастамаларға мектеп оқушыларының, жастардың, волонтерлердің және әртүрлі жастағы тұрғындардың қатысуы экологиялық мәдениетті бір реттік науқан ретінде емес, күнделікті өмір салтының бір бөлігі ретінде қалыптастыруға ықпал етеді.

Ақмола облысы жұмысқа орналасу мүмкіндіктерін кеңейтуде

Өңірде жұмыспен қамту саласында Мемлекет басшысының тапсырмаларын іске асыру бойынша тұрақты жұмыс жалғасуда. Негізгі бағыттардың бірі – жаңа жұмыс орындарын құру және еңбек нарығында сұранысқа ие кадрларды даярлау. Жыл басынан бері өңірде 19,4 мыңнан астам жұмыс орны құрылды, ал жыл соңына дейін олардың санын 24 мыңға жеткізу жоспарлануда.

Бұл көрсеткіштердің артында өңір тұрғындары үшін нақты мүмкіндіктер тұр. Олар – жұмыс істеп тұрған кәсіпорындарға жұмысқа орналасудан бастап, кәсіби оқуға және өз ісін ашуды жоспарлап отырған азаматтарды қолдауға дейінгі шаралар.

Бүгінде облыс жұмыс берушілері Enbek.kz электрондық еңбек биржасына 6 мыңнан астам бос жұмыс орнын орналастырды. Олардың жартысынан астамы жұмысшы мамандықтарға тиесілі. Дәнекерлеушілер мен газ кесушілерге, слесарьлар мен механиктерге, тас қалаушылар мен монтажшыларға, жүргізушілерге, механизаторлар мен тракторшыларға сұраныс жоғары. Сонымен қатар тәрбиешілерге, мұғалімдерге және бухгалтерлерге деген қажеттілік те сақталуда.

Мұндай сұраныс өңір экономикасының даму қажеттіліктерін көрсетеді. Сондықтан мамандарды жұмыс берушілердің нақты сұраныстарына сәйкес даярлауға ерекше көңіл бөлінеді. Жыл басынан бері 3 мыңнан астам адам кәсіби оқытудың түрлі түрлерімен қамтылды. Облыс тұрғындары «Бастау Бизнес» жобасы бойынша білім алып, skills.enbek.kz онлайн-платформасында сұранысқа ие дағдыларды меңгеріп, қысқа мерзімді курстарда, оның ішінде кәсіпорындардың өтінімдері бойынша жаңа мамандықтарды игеруде.

Әзірге тұрақты жұмыс таба алмаған азаматтар үшін субсидияланатын жұмыспен қамту тетіктері жұмыс істейді. Жыл басынан бері қоғамдық жұмыстар, әлеуметтік жұмыс орындары, жастар практикасы және «Күміс жас» жобасы арқылы 2 мыңға жуық ақмолалық жұмысқа орналастырылды.

Өз ісін ашқысы келетін азаматтарға да қолдау көрсетіледі. Биыл 104 адам жаңа бизнес-идеяларды іске асыру үшін жалпы сомасы 37 млн теңге болатын мемлекеттік гранттарға ие болды. Мүмкіндігі шектеулі жандарды жұмыспен қамтуға жәрдемдесу де маңызды бағыттардың бірі болып қала береді – өңірде 434 адам жұмысқа орналастырылды.

Жұмыс іздеуде бос жұмыс орындары жәрмеңкелері маңызды рөл атқарады. Жыл басынан бері облыста 101 жәрмеңке өткізіліп, тұрғындарға жұмыс берушілермен тікелей байланысып, өзекті бос жұмыс орындары мен мемлекеттік қолдаудың қолданыстағы шаралары туралы ақпарат алу мүмкіндігі берілді.

Жалпы, облыстың еңбек нарығындағы жағдай тұрақты. Ұлттық статистика бюросының мәліметінше, 2026 жылдың II тоқсанында өңірдегі жұмыс күші 420 мың адамды, жұмыспен қамтылған халық саны 401 мың адамды құрады. Жұмыссыздық деңгейі 4,4%-ды құрады.

Халықпен жұмысты облыстың 17 ауданы мен үш қаласында жұмыс істейтін Еңбек мобильділігі орталығы мен мансап орталықтары жүргізеді. Олардың міндеті – азаматты кәсіби мүмкіндіктерін айқындау мен сұранысқа ие дағдыларды меңгеруден бастап, лайықты бос жұмыс орнын таңдауға және жұмысқа орналасуға дейінгі барлық кезеңде сүйемелдеу.

Осылайша, өңірде бірнеше міндет қатарынан шешілуде – жаңа жұмыс орындары құрылып, сұранысқа ие мамандар даярлануда, кәсіпкерлік бастамаларға қолдау көрсетіліп, жұмысқа орналасу мүмкіндіктері кеңейтілуде. Мұндай жұмыс облыс экономикасының дамуын өңір тұрғындары үшін нақты перспективалармен ұштастыруға мүмкіндік береді.

Қызылсуат ауылында газдандырудың бірінші кезеңі аяқталды

Целиноград ауданының Қызылсуат ауылының тұрғындары табиғи газға қол жеткізді. Елді мекенді газға қосу Ақмола облысындағы газ инфрақұрылымын кеңейтудің кезекті кезеңі болды. Ауыл тұрғындарын облыс әкімінің бірінші орынбасары Елдос Рамазанов құттықтады.

Елді мекендерді газдандыру Мемлекет басшысы Қасым-Жомарт Тоқаевтың тапсырмасы бойынша жүргізілуде. Президент табиғи газ желілерін дамытуды жеделдетіп, халықты табиғи газбен қамту деңгейін 80%-ға дейін жеткізу міндетін қойды. Целиноград ауданында бұл жұмыс кезең-кезеңімен жалғасуда. Қызылсуатты қоса алғанда, бүгінде аудандағы тоғыз елді мекен табиғи газбен қамтамасыз етілді.

Бірінші кезек аясында Қызылсуат ауылында 32 шақырым газ құбыры тартылып, бір блокты және төрт шкафтық газ реттеу пункті орнатылды. Жоба бойынша желілердің жалпы ұзындығы 65,5 шақырымды құрайды. Жыл соңына дейін аяқтау жоспарланған екінші кезек іске асырылғаннан кейін 600 абонент табиғи газға қосылу мүмкіндігіне ие болады.

«Бұл – Мемлекет басшысы айқындаған елді мекендерді газдандыру бағдарламасын ауданда іске асырудың кезекті нәтижесі. Бүгін Қызылсуат тұрғындары үшін айтулы күн. Табиғи газдың келуі – бұл тек қолайлылық пен жайлылық қана емес, сонымен қатар ауылдың дамуының жаңа кезеңі. Қазіргі уақытта ауданның 9 елді мекені табиғи газбен қамтамасыз етілді, бұл бағыттағы жұмыс жалғасын табады», – деді Елдос Рамазанов.

Ауыл тұрғындары үшін табиғи газға көшу күнделікті өмірде айтарлықтай өзгерістерді білдіреді. Атап айтқанда, үйлерді жылыту үшін отынды алдын ала дайындау қажеттілігі жойылады. Қызылсуат ауылының тұрғыны Гүлнар Сұлтанбекова жаңа қосылымның жергілікті тұрғындар үшін маңызды оқиға болғанын атап өтті.

«Біз үшін бұл шынымен де маңызды оқиға. Газ күнделікті өмірімізді айтарлықтай жеңілдетіп, тұрмысымызды ыңғайлы етеді. Енді отын дайындау мәселесін үнемі ойлап жүрудің қажеті жоқ. Ауылымызда жайлы өмір сүруге жағдай жасалғанына өте қуаныштымыз. Тұрмысымыз біртіндеп жақсарып, ауылымыздың дамып келе жатқанын сезініп отырмыз», – деді ол.

Тұрғындардың жекелеген санаттары үшін әлеуметтік қолдау шаралары қарастырылған. Әлеуметтік осал азаматтар тұтынылған газ көлеміне 20%-ға дейін жеңілдік ала алады. Ал табысы күнкөріс деңгейінен төмен отбасыларға тұрғын үйді газға қосу үшін 70 АЕК мөлшерінде біржолғы әлеуметтік көмек көрсетіледі.

Қызылсуат ауылын газдандыру 39 елді мекенді табиғи газбен қамтамасыз етуге бағытталған «Сарыарқа» магистральдық газ құбыры жобасының бірінші кезеңіне кіреді. Жыл басынан бері жүйеге Қосшы қаласы, сондай-ақ Қараөткел және Қаражар ауылдары қосылды. Нәтижесінде 99,4 мың адам табиғи газға қол жеткізді.

Целиноград ауданының басқа да ауылдарында жұмыс жалғасуда. Қазіргі уақытта Ақмол, Қабанбай батыр, Өтеміс, Қызылжар, Нұресіл және Қажымұқан ауылдарын газдандыру бойынша жобалық-сметалық құжаттама әзірленуде. Осы жобалар іске асырылғаннан кейін тағы шамамен 30 мың тұрғын табиғи газға қол жеткізе алады.

Ақмола облысы үнді бизнесімен ынтымақтастықты кеңейтуде

Өңір үнді компанияларымен ынтымақтастықты кеңейтіп, бірлескен жобаларды іске асырудың жаңа мүмкіндіктерін қарастыруда. Ынтымақтастықтың перспективалы бағыттары Ченнай қаласында өткен «Қазақстан – Үндістан 2026» бизнес-форумында талқыланды. Іс-шараға екі елдің мемлекеттік органдары, даму институттары мен бизнес өкілдерінен 300-ден астам адам қатысты.

Инвестициялық әріптестікті дамыту Мемлекет басшысының инвестициялар тарту тәсілдерін жаңарту жөніндегі тапсырмасына сәйкес келеді. 2025 жылғы Жолдауында Қасым-Жомарт Тоқаев жаңа инвестицияларды ең алдымен өңдеу өнеркәсібіне бағыттауды, сондай-ақ бюрократия мен функциялардың қайталануын азайту үшін инвесторлармен жұмыс істеу жүйесін қайта қарауды тапсырды.

Форум аясында Ақмола облысы әкімінің орынбасары Ернар Жаркешов өңірдің мүмкіндіктерін таныстырды. Ол Үндістанмен ынтымақтастықтың неғұрлым перспективалы бағыттары қатарында ауыл шаруашылығы өнімдерін терең өңдеу, тамақ өнеркәсібі, машина жасау, жабдықтар өндірісі, туризм, логистика және инфрақұрылымды атады.

«Біз үшін форумның қорытындысы тек жаңа таныстықтармен шектелмей, нақты жобалар, серіктестер және алдағы қадамдардың нақты тізімімен бекітілуі маңызды», – деді Ернар Жаркешов.

Келіссөздер нақты уағдаластықтарға ұласты. «ECO-Dump» ЖШС үндістандық Green City Biotech және Enhanced Bio Fuels and Technologies Pvt. Ltd. компанияларымен меморандумдарға қол қойды. Бірлескен жұмыс биотын және био тыңайтқыштар өндіру, биомассаны қайта өңдеу, агротехнологияларды енгізу және тозған жерлерді қалпына келтіру бағыттарында жүргізіледі.

Жеке бағыттардың бірі – машина жасау саласы. Kazrost Engineering Ltd және Aqmola Beton Industry компаниялары үндістандық TAFE компаниясымен одан әрі ынтымақтастық орнату және Қазақстан нарығына арналған тракторлар өндірісін оқшаулау бойынша уағдаластыққа қол жеткізді. Сонымен қатар туризм және білім беру салаларындағы байланыстар да дамып келеді: Қазақстанның балалар-жасөспірімдер туризмі және демалысы қауымдастығы мен Blueberry Travel Group, сондай-ақ Ш. Уәлиханов атындағы Көкшетау университеті мен Saveetha Institute of Medical and Technical Sciences арасында меморандумдарға қол қойылды.

Бүгінде Ақмола облысында жалпы құны 392 млрд теңге болатын 158 инвестициялық жоба жүзеге асырылуда. Оларды іске қосу 3 мыңнан астам жұмыс орнын құруды көздейді. Жаңа өндірістерді орналастыру үшін өңірде республикалық маңызы бар AQMOLA индустриялық аймағы және үш өңірлік алаң – Көкшетау, Степногорск және Зеренді ауданында жұмыс істейді.

Көкшетауда «Шабыт» көркемсурет мектебінің жаңа ғимараты ашылды

Көкшетау қаласында «Шабыт» көркемсурет мектебі ғимаратының реновациясы аяқталды. 1965 жылы салынған ескі ғимараттың орнына 360 оқушыға арналған заманауи оқу кешені бой көтерді.

Мәдениет саласын дамыту және балалардың шығармашылық білім алуына жағдай жасау – мемлекеттік саясаттың басым бағыттарының бірі. Мемлекет басшысы Қасым-Жомарт Тоқаев бұған дейін өңірлердегі мәдениетті дамытуға және өнермен айналысу үшін заманауи жағдай жасауға ерекше көңіл бөлуді тапсырған болатын.

Ескі мектеп ондаған жылдар бойы Көкшетаудың мәдени өмірінің бір бөлігіне айналып, жас суретшілердің бірнеше буынын тәрбиеледі. Алайда техникалық тексеру нәтижесінде ғимараттың күрделі жаңғыртуды қажет ететіні анықталды: мамандар көтергіш конструкциялардың ақауларын және инженерлік желілердің тозуын анықтады. Жаңа ғимараттың құрылысы өткен жылдың қазан айында басталып, 11 айдың ішінде аяқталды.

Енді оқушылардың қарамағында кең шеберханалар мен кабинеттер, көрме аймағы, күту орындары, терраса және сабақ өткізуге арналған басқа да бөлмелер бар. Панорамалық терезелер табиғи жарықтың мол түсуін қамтамасыз етеді, бұл әсіресе сурет пен кескіндеме сабақтары үшін маңызды. Мектепте балалар сурет, кескіндеме, композиция, мүсін, бейнелеу өнерінің тарихы және компьютерлік графиканы оқиды.

«Біздің барлық тілегіміз ескерілді. Бөлмелердің биіктігі, эргономикасы мен жарықтандырылуы жағынан бұл ғимаратты Өнер академиясымен салыстыруға болады. Мұнда барлық қажетті кабинеттер мен шеберханаларды орналастыра алдық, ал жабдықтардың басым бөлігі жаңадан сатып алынды. Балалар бұл жерге таңданыспен кіреді – мұндай кеңістік туралы суретшілер ғана армандай алады, тіпті ересек суретшілер үшін де бұл үлкен мүмкіндік», – деді мектеп директоры Юлия Желобкова.

Марат Ахметжанов балалардың шығармашылық тұрғыда дамуына заманауи жағдай жасаудың болашақ ұрпақты қалыптастырумен тікелей байланысты екенін атап өтті.

«Біздің міндетіміз – өскелең ұрпақтың сапалы білім алуына, шығармашылықпен айналысуына және өз талантын жүзеге асыруына барлық жағдай жасау. Осы қабырғалардың ішінде Ақмола облысы мен бүкіл Қазақстанның атын шығаратын болашақ суретшілер өсетініне сенімдімін», – деді әкім.

Жоба «KOKSHE» ӘКК» АҚ үйлестіруімен инвестициялық модель аясында жүзеге асырылды. Өңір басшысы мектепке қолдау көрсету мақсатында ұжымға заманауи автобусқа сертификат табыстады. Автобус оқушылар мен педагогтердің көрмелерге, байқауларға және басқа да шығармашылық әрі білім беру іс-шараларына баруы үшін пайдаланылады.

Робот-ит және «Болашаққа билет»: Бурабай ауданында есірткіге қарсы акция өтті

«Заң мен тәртіп» тұжырымдамасын іске асыру шеңберінде Бурабай ауданына Қазақстан Республикасы ІІМ есірткі қылмысына қарсы іс-қимыл комитетінің делегациясы келді.
Сапар тақырыптық пойыздың жүрісі аясында өтті және бірден бірнеше профилактикалық алаңдарды біріктірді.
Бурабай станциясында делегацияны полиция, жергілікті атқарушы органдар мен еріктілер қарсы алды. Пойыздың қатысушылары мен жолаушыларына арнайы дайындалған парақшалар символдық «Болашаққа билет» форматында таратылды. Оларда профилактикалық ақпарат, сондай-ақ кеңес пен көмек сұрауға болатын қызметтердің байланыс телефондары жазылған.
Келесі алаң интербелсендіформатта ұйымдастырылған оқушылармен кездесу болды. Жастар алдында Қазақстан Республикасы ІІМ есірткі қылмысына қарсы іс-қимыл Комитеті басқармасының бастығы полиция полковнигі Бақытжан Әмірханов сөз сөйледі. Дәстүрлі дәрістің орнына қатысушыларға ашық диалог, тақырыптық ойындар және өмірлік жағдайларды талдау ұсынылды. Негізгі назар саналы таңдауға, өз іс-әрекеттерінің салдарын бағалай білуге және есірткінің заңсыз айналымына қарсы тұруға аударылды.
Бағдарлама Щучинск қалалық саябағында жалғасты, онда “Саналы таңдау. Болашаққа билет” есірткіге қарсы акциясы өтті. Оның қатысушылары балалар, жасөспірімдер, жастар және қала тұрғындары болды. Ұйымдастырушылар әр жас тобы үшін профилактикалық ақпаратты түсінікті және қол жетімді түрде жеткізуге тырысты.
Қызметтік-іздестіру итінің жұмысын көрсету жас қатысушылардың ерекше қызығушылығын тудырды. Кинологтар төрт аяқты полиция көмекшілерінің тыйым салынған заттарды анықтау міндеттерін қалай орындайтынын көрсетті. Тартымдылықтың тағы бір нүктесі робот-ит болды, онымен қатысушылар белсенді суретке түсті.
Акция барысында тақырыптық ойындар, викториналар мен конкурстар өткізілді. Жеңімпаздар сыйлықтармен марапатталды, ал бас жүлде велосипед болды.
Сапар есірткі құқық бұзушылықтарының алдын алу саласында жұмыс кездесуімен және тәжірибе алмасумен аяқталды. Комитет өкілдері өңірде жүргізіліп жатқан жұмыстармен танысты, қолданылатын профилактикалық форматтарды талқылады және осы қызметті одан әрі жетілдіру жөнінде ұсыныстар берді.

Дипфейктер қазақстандықтарды жалған инвестициялық платформаларға тартуда

Әлеуметтік желілерде танымал кәсіпкерлердің, тележүргізушілердің және қоғам қайраткерлерінің бейнесін пайдаланып, азаматтарды жалған инвестициялық платформаларға шақыратын алаяқтық схемалар көбейіп келеді.

Қазақстанның Бас прокуратурасы дипфейктер мен жалған жасанды интеллект платформалары қолданылатын инвестициялық алаяқтық схемалардан сақ болуға шақырады. Соңғы бір жарым айда елімізде осындай 119 факт тіркелген.

Алаяқтар TikTok, Instagram, YouTube және басқа да әлеуметтік желілерде жоғары табыс уәде ететін жарнамаларды таратады. Роликтерде белгілі адамдардың бейнесі мен дауысы қолданылуы мүмкін. Алайда экрандағы танымал тұлға бұл жобаны шын мәнінде жарнамаламауы ықтимал.

Алаяқтық схемасы қалай жұмыс істейді?

Әдетте азамат әлеуметтік желіден инвестиция, трейдинг немесе жасанды интеллект арқылы табыс табу туралы бейнеролик көреді. Жарнамадағы сілтемеге өтіп, телефон нөмірін қалдырады.

Осыдан кейін оған «менеджер» немесе «қаржы сарапшысы» хабарласып, инвестициялық шот ашуды және бастапқы қаражат аударуды ұсынады.

Жеке кабинетте ақшаның өсіп жатқаны көрсетіледі. Алайда экрандағы пайда нақты инвестиция жасалғанын білдірмейді.

Кейін азаматтан қосымша ақша салу, комиссия, салық, сақтандыру немесе қаражатты «шығаруды бұғаттан шығару» үшін төлем жасау талап етілуі мүмкін.

Мамандардың басты ескертуі: өз ақшаңызды қайтару үшін қосымша қаражат аудармаңыз.

Бас прокуратура келтірген мысалдардың бірінде Талдықорған тұрғыны Instagram желісіндегі трейдинг туралы жарнамаға сеніп, үшінші тұлғалардың шоттарына 7 млн теңгеден астам ақша аударған. Жалған электрондық әмиянда қаражат пен дивидендтер көрсетілгенімен, әйел ақшасын қайтара алмаған. Қазіргі уақытта факт бойынша сотқа дейінгі тергеп-тексеру жүргізілуде.

Жалған инвестициядан қалай сақтануға болады?

Ақша аудармас бұрын:

• компанияның нақты заңды тұлға екенін тексеріңіз;
• оның қажетті лицензиялары мен рұқсаттарының бар-жоғын ресми дереккөздерден анықтаңыз;
• инвестициялық ұсынысты өзіңіз іздеп, бірнеше тәуелсіз дереккөзден салыстырыңыз;
• белгісіз адамның картасына немесе жеке шотына ақша аудармаңыз;
• «кепілдендірілген», «өте жоғары» немесе «тәуекелсіз» табыс туралы уәделерге сақтықпен қараңыз;
• тек жарнамадағы сілтемеге сенбеңіз.

Дипфейкті тек бейненің сапасына қарап анықтау да қиын. Кейбір жағдайда ерін мен дыбыстың сәйкес келмеуі, табиғи емес мимика, бет әлпетінің бұлыңғырлығы сияқты белгілер байқалуы мүмкін. Бірақ заманауи жасанды интеллект технологиялары өте шынайы бейнелер жасауға мүмкіндік береді.

Сондықтан басты сұрақ «Бұл видео шынайы ма?» емес, «Мұндай инвестициялық ұсыныс шынымен бар ма және оны кім ұсынып отыр?» болуы керек.

Егер ақша аударып қойған болсаңыз

Қосымша төлем жасамаңыз. Дереу банкке ресми арна арқылы хабарласып, күдікті операция туралы мәлімдеңіз.

Сонымен қатар хат алмасуларды, телефон нөмірлерін, сайт сілтемелерін, жарнамаларды, скриншоттарды, түбіртектерді және ақша аударылған шоттардың деректемелерін сақтап қойыңыз.

Алаяқтық фактісі бойынша құқық қорғау органдарына, соның ішінде 102 нөміріне хабарласу қажет.

Күдікті жарнаманы әлеуметтік желідегі «Шағымдану» функциясы арқылы белгілеу де маңызды.

Есте сақтаңыз: танымал адамның бейнесі, дауысы немесе белгілі компанияның логотипі инвестициялық ұсыныстың шынайылығын растамайды. Ақша аудармас бұрын компанияны, лицензияны, инвестициялау шарттарын және қаражат алушының деректерін міндетті түрде тексеріңіз.