Патриотизм ұранмен өлшенбейді.
Отанға деген сүйіспеншілік – күнделікті іс-әрекеттен көрінеді. Заңды құрметтеу, қоғамдық тәртіпті сақтау, туған жерге жанашырлық таныту және ел дамуына үлес қосу – нағыз патриотизмнің белгісі.
Month: July 2026 (Page 27 of 39)
Қазақстандықтардың 87%-ы елдің саяси бағытын қолдайды
DATAmetrics компаниясы 2026 жылғы 13 маусым мен 2 шілде аралығында Қазақстан Республикасының Президенті жанындағы Қазақстанның стратегиялық зерттеулер институтының тапсырысы бойынша жүргізілген әлеуметтанулық зерттеу нәтижелерін ұсынды.
«Face-to-face» форматында, яғни бетпе-бет сұхбат түрінде өткен сауалнамаға Қазақстанның барлық өңірлерінен, сондай-ақ Астана, Алматы және Шымкент қалаларынан 18 жастан асқан 8000 тұрғын қатысты.
Қоғамдық көңіл-күйдің негізгі индикаторларының бірі – азаматтардың еліміздің даму бағытына берген жалпы бағасы. Бұл көрсеткіш халықтың мемлекеттік саясатты қабылдау деңгейін көрсетеді.
Зерттеу нәтижелері халық мемлекеттің саяси бағытын жоғары деңгейде қолдайтынын айқындады. Атап айтқанда, сауалнамаға қатысқандардың 87,8%-ы Қазақстан дұрыс бағытта дамып келеді деп көрсеткен.
Азаматтық белсенділіктің маңызды индикаторы – халықтың сайлауда дауыс беруге деген ынтасы.
Сауалнама жүргізілген кезде Қазақстан Республикасы Құрылтайының сайлауы өтетін күн әлі жарияланған жоқ еді. Сондықтан респонденттерге: «Егер алдағы жексенбіде Құрылтай (Парламент) сайлауы өтсе, Сіз дауыс беруге барар ма едіңіз?» деген сұрақ қойылды.
Зерттеу нәтижесіне сәйкес, азаматтардың басым бөлігі алдағы Құрылтай сайлауында дауыс беруге дайын. Респонденттердің 75,6%-ы сайлау учаскесіне баруға ниетті екенін айтқан. Оның ішінде 44,2%-ы дауыс беретінін нақты атап көрсетсе, 31,4%-ы дауыс беруі ықтимал екенін жеткізген.
Партияларға деген көзқарасты анықтау үшін респонденттерге: «Егер жақын арадағы жексенбіде Құрылтай сайлауы өтсе, Сіз қай саяси партияға дауыс берер едіңіз?» деген сұрақ қойылды.
Сауалнама қорытындысы бойынша «Әділет» партиясы ең жоғары қолдауға ие болған. Бұл партияға респонденттердің 54,2%-ы дауыс беруге дайын екенін білдірген.
Екінші орында 7,3% көрсеткішпен «Ауыл» партиясы тұр.
«Ақ жол» партиясы 4,6% көрсеткішпен үшінші орынға шыққан.
«Respublica» партиясын қолдау деңгейі 3,4%-ды құраған.
Жалпыұлттық социал-демократиялық партияға сауалнамаға қатысушылардың 2,4%-ы дауыс беруге дайын.
Қазақстан Халық партиясын респонденттердің 2,1%-ы қолдаған.
«Байтақ» партиясын сауалнамаға қатысушылардың 1,1%-ы таңдаған.
«Барлығына қарсымын» нұсқасын респонденттердің 2,3%-ы белгілеген.
Сонымен қатар, сайлауалды үгіт-насихат барысында саяси партиялар үшін тартыс нысанасы жеткілікті екені анықталды – сайлаушылардың едәуір бөлігі өз таңдауын әлі жасаған жоқ. Зерттеу нәтижесіне сәйкес, азаматтардың 22,6%-ы, яғни шамамен әрбір бесінші сайлаушы қай партияға дауыс беретіні жөнінде шешім қабылдамаған.
Жалпы, зерттеу нәтижелері қоғамда елдің саяси бағытын қолдау деңгейі жоғары екенін және азаматтардың сайлау процесіне қатысуға дайын екенін көрсетті.
Іріктеу Қазақстан Республикасы халқының негізгі әлеуметтік-демографиялық сипаттамаларына, атап айтқанда тұрғылықты жерінің түріне (қала/ауыл), жынысы мен жасына қарай репрезентативті. Сенімділік ықтималдығы 95% болған жағдайда іріктеменің статистикалық қателік шегі ±1,1%-дан құрайды.
DATAmetrics компаниясы бұл зерттеу нәтижелерін Қазақстан Республикасы Орталық сайлау комиссиясының 2026 жылғы 3 шілдедегі № ОСК-11-07/ЗТ-К-29 хабарламасы негізінде жариялап отыр.
t.me/gdpkazakhstan
✅Табиғатты аялау – қоғам мәдениетінің айнасы. Өзгерісті өзіңізден бастаңыз!
жасылдаму #тазақазақстан
Зеренді ауданында ведомствоаралық жұмыс тобының қызметі жалғасуда
Зеренді ауданы прокуратурасының үйлестіруімен ведомствоаралық жұмыс тобының кезекті жұмыс кеңесі өткізілді.
Іс-шараға аудан әкімдігі, полиция бөлімі, «Зеренді ауданының ветеринариялық станциясы» ШЖҚ МКК, Мемлекеттік кірістер басқармасы, ветеринариялық бақылау және қадағалау инспекциясының өкілдері, сондай-ақ ауылдық округ әкімдері мен ветеринариялық дәрігерлер қатысты.
Кеңес барысында тіркелмеген ауыл шаруашылығы жануарларын анықтау және оларды есепке қою жұмыстарын жандандыру мәселелері талқыланды. Осы бағыттағы бірлескен іс-қимыл тетіктері қарастырылып, ауылдық округтерде түсіндіру жұмыстарын күшейту, мал басын толық тіркеуді қамтамасыз ету бойынша нақты міндеттер белгіленді.
Сонымен қатар алдағы кезеңге арналған басым міндеттер айқындалып, ауылдық округтерге шығу кестелері бекітіліп, бірлескен іс-шаралар жоспары келісілді.
Ведомствоаралық жұмыс тобының қызметі аудан прокуратурасының тұрақты бақылауында.
Ақмола облысының прокуратурасы
Президент Қасым-Жомарт Тоқаев Құрылтай депутаттарының сайлауын 2026 жылғы 23 тамызға тағайындау туралы Жарлыққа қол қойды.
Бұл сайлау елдің жоғары өкілді органын қалыптастырудың жаңа моделі аясында өтеді. Негізгі өзгеріс — пропорционалды сайлау жүйесіне көшу. Енді Құрылтайдың барлық 145 депутаты бірыңғай жалпыұлттық сайлау округі бойынша партиялық тізімдер негізінде сайланады.
Мұндай жүйе саяси партиялардың рөлін күшейтіп, оларды бағдарламалар, идеялар мен командалар арасындағы мазмұнды бәсекеге бағыттайды. Жаңа модельде партиялар өз ұсыныстары мен елдің одан әрі дамуы үшін ұжымдық жауапкершілік алады.
Құрылтай #Қазақстан #Сайлау #Парламент #СаясиРеформа #Партиялар #ПропорционалдыЖүйе
Жаңа Конституция Қазақстандағы ауқымды өзгерістердің маңызды кезеңіне айналды.
Негізгі Заңда мемлекеттің басты құндылықтық бағдарлары бекітілді. Олардың қатарында «Әділетті Қазақстан», «Заң және Тәртіп» қағидаттары, азаматтардың құқықтарын қорғау, кәсіпкерлікті қолдау және ұлттық егемендікті нығайту бар.
Өңірлерді дамытуға және іскерлік белсенділікті арттыруға да ерекше назар аударылған. Осы мақсатта инвестиция тартуға және аумақтардың экономикалық әлеуетін ашуға бағытталған арнайы әкімшілік-экономикалық аймақтар құру көзделген.
Сонымен қатар, Конституция азаматтар мен бизнес үшін құқықтық кепілдіктерді күшейтеді: кәсіпкерлердің мүдделерін Конституциялық Сот арқылы қорғау бекітіліп, тиісті сот шешімінсіз тұрғын үйден мәжбүрлеп шығаруға тыйым салынады.
Жаңа Конституцияның басты мақсаты — елдің тұрақты түрде алға жылжуын қамтамасыз ету.
Конституция #Қазақстан #ЖаңаКонституция #ӘділеттіҚазақстан #ЗаңЖәнеТәртіп #Реформалар #АзаматҚұқықтары #ӨңірлердіДамыту
Послание Главы государства Касым-Жомарта Токаева народу Казахстана