Month: August 2026 (Page 12 of 40)

«Ұршық Party»: ұлттық өнер сайлау күнінің ерекше көрінісіне айналды Өңірде сайлау күні ұлттық дәстүрді дәріптейтін ерекше «Ұршық Party» акциясы ұйымдастырылды. Шара барысында қатысушылар қазақ халқының тұрмысында маңызды орын алған ұршық иіру өнерін көрсетіп, өзіндік рекорд орнатуға талпынды, деп хабарлайды Өңірлік Коммуникациялар қызметінен.

Ұршық – халқымыздың тұрмыс-тіршілігімен біте қайнасқан дәстүрлі қолөнердің бірі. Бұрын әжелер мен аналар жүн иіріп, одан күнделікті өмірге қажетті түрлі бұйымдар дайындаған. Бүгінде бұл өнер ұлттық мәдени мұраның бір бөлігі ретінде қайта жаңғырып келеді.

Акцияға сайлау учаскесіне келген тұрғындар да белсенді қатысып, ұршық иірудің қыр-сырын тамашалады. Әртүрлі жастағы азаматтардың басын қосқан шара ұлттық өнерді насихаттап қана қоймай, аға буынның тәжірибесін кейінгі ұрпаққа жеткізудің өзіндік алаңына айналды.

«Ұршық – жай ғана тұрмыстық құрал емес, ол халқымыздың еңбекқорлығын, шеберлігін және ұрпақтан-ұрпаққа жалғасқан дәстүрін көрсететін ұлттық мұра. Бүгінгі шара арқылы осы өнерге деген қызығушылықты арттырып, ата-бабадан қалған құндылықтарды заманауи форматта жаңғыртуды мақсат еттік», – деді акцияға қатысушылар.

«Ұршық Party» қатысушыларының белсенділігі сайлау учаскесінде ерекше көңіл күй қалыптастырды. Ұлттық өнерді заманауи форматта таныстырған бастама сайлау күнінің есте қаларлық сәттерінің біріне айналды.

Бұл шара ұлттық дәстүрдің уақыт өткен сайын өзектілігін жоғалтпайтынын көрсетті. Керісінше, оны жаңа форматта ұсыну арқылы кейінгі ұрпақтың қызығушылығын оятып, халқымыздың мәдени мұрасын дәріптеуге мүмкіндік бар.

«Егістікте еңбек етеміз – ел өміріне де қатысамыз»: Астраханка комбайншылары сайлауға келді Астраханка ауылында бір топ комбайншы үшін сайлау күні тек егістіктегі жұмыспен ғана басталған жоқ. Агробизнес және сервис колледжінің қызметкерлері Дмитрий Антонец, Мадияр Пелевин және Дмитрий Скляров №181 сайлау учаскесіне келіп, дауыс беруге қатысты, деп хабарлайды Өңірлік Коммуникациялар қызметінен.

Колледж базасында өздеріне тиесілі егістік алқабы бар. Егін жинау науқаны кезінде азаматтар комбайн тізгіндеп, дала жұмыстарын атқарады. Сондықтан акцияға қатысушылардың жұмыс күні алдын ала жоспарланған. Соған қарамастан, олар дауыс беруге уақыт бөліп, сайлау учаскесіне бірге келуді жөн көрді.

«Қазір біз үшін нағыз қызу науқан. Егістікте жұмыс көп. Дегенмен дауыс беру де маңызды болғандықтан, оған алдын ала уақыт бөлуді шештік. Бірге келіп, өз таңдауымызды жасадық та, қайтадан жұмысқа ораламыз», – деді Дмитрий Антонец.

Дауыс бергеннен кейін комбайншылар қайтадан егістік алқабына аттанды. Олардың жұмыс күні техника мен ауыл шаруашылығының күнделікті міндеттерімен жалғасты.

«Егістікте еңбек етеміз – ел өміріне де қатысамыз» акциясы еңбек пен азаматтық жауапкершіліктің қатар жүретінін көрсетті. Әсіресе ауыл шаруашылығы саласында әр күннің маңызы зор болатын егін орағы кезеңінде жұмыс кестесіне сай уақыт тауып, сайлауға қатысу – еңбек адамдарының ел өміріне белсенді араласуының жарқын үлгісі.

Даладағы маңдай термен атқарылған еңбек те, ел болашағына қатысты жасалған саналы таңдау да – қоғам дамуына қосылған ортақ үлес.

Ақмола облысында сайлау учаскелерінде өнер ұжымдары өнер көрсетіп, тұрғындарға мерекелік көңіл күй сыйлады Ақмола облысында сайлау күні тұрғындардың белсенділігін арттырып, мерекелік көңіл күй қалыптастыруға бағытталған мәдени іс-шаралар ұйымдастырылды. Дауыс беруге келген азаматтар үшін бірқатар сайлау учаскелерінде шығармашылық ұжымдардың концерттік бағдарламалары ұсынылды, деп хабарлайды Өңірлік Коммуникациялар қызметінен.

Атап айтқанда, «Достар» мәдениет үйінде орналасқан №41 сайлау учаскесінде «Балақай», «Аманат» шығармашылық ұжымдары, «Сұлтан» триосы және «Шаңыра» хоры өнер көрсетті. Өнерпаздар ән айтып, көрерменге көтеріңкі көңіл күй сыйлады.

Сондай-ақ Қызылжар ауылындағы «Көкше» мәдениет үйінде орналасқан №1 сайлау учаскесінде де шығармашылық ұжымдардың қатысуымен мәдени бағдарлама ұйымдастырылды.

Сайлау учаскелеріне келген тұрғындар дауыс беру рәсімінен кейін өнерпаздардың концертін тамашалап, бір сәт сергіп, мерекелік атмосфераға бөленді. Әсіресе балалар мен жастардың өнер көрсетуі шараның мазмұнын байыта түсті.

«Бүгінгі күн – ел өміріндегі маңызды күн. Біз тұрғындарға өз өнеріміз арқылы жақсы көңіл күй сыйлап, осы күннің ерекше атмосферасын қалыптастыруға үлес қосқымыз келді. Өнер әрдайым адамдарды біріктіреді. Сондықтан сахнаға шығып, көрерменнің жылы ықыласын сезіну біз үшін де қуанышты сәт болды», – деді шығармашылық ұжым өкілі.

Мәдени бағдарламаларға балалар мен жас өнерпаздардың да белсенді қатысуы ерекше назар аудартты. Олар өз өнерлерін көпшілікке ұсынып, шығармашылық қабілеттерін көрсетті.

Сайлау күні ұйымдастырылған мәдени іс-шаралар дауыс беру процесіне кедергі келтірмей, азаматтарға қосымша жағымды әсер сыйлауға бағытталды. Өнер ұжымдарының өнер көрсетуі қоғамдық маңызды күннің мазмұнын мәдениетпен сабақтастырып, тұрғындар үшін сайлау күнін есте қаларлық оқиғаға айналдырды.

Ән мен күй, шығармашылық пен көтеріңкі көңіл күй – ел өміріндегі маңызды күннің ерекше көрінісіне айналды. Сайлау учаскелеріндегі мәдени бағдарламалар тұрғындардың белсенділігін арттырып қана қоймай, ортақ мерекелік атмосфера қалыптастырды.

Құрылысшылар еңбек үстінен сайлау учаскесіне келді Қосшы қаласындағы №748 сайлау учаскесінде сайлау күні еңбек адамдарының азаматтық белсенділігін көрсеткен ерекше көрініс орын алды. Құрылыс саласында еңбек етіп жүрген жұмысшылар арнайы қорғаныс киімдерін киіп, жұмыс арасындағы уақытын пайдаланып, өз таңдауын жасау үшін сайлау учаскесіне келді, деп хабарлайды Өңірлік Коммуникациялар қызметінен.

Құрылысшылар үшін жұмыс ырғағы үнемі қарқынды. Нысандардың уақытында аяқталуы, белгіленген жоспардың орындалуы мен қауіпсіздік талаптарының сақталуы күнделікті еңбекті талап етеді. Соған қарамастан, олар ел өміріндегі маңызды қоғамдық оқиғадан шет қалмай, сайлауға қатысуды жөн көрді.

Құрылыс киімімен келген азаматтардың сайлау учаскесіндегі көрінісі еңбек пен азаматтық жауапкершіліктің қатар жүретінін көрсетті. Олар үшін елдің дамуына үлес қосу тек кәсіби міндетпен шектелмейді.

«Біз күн сайын құрылыс алаңында еңбек етіп, қаланың дамуына өз үлесімізді қосып жүрміз. Бүгін жұмыс арасынан уақыт тауып, сайлау учаскесіне бірге келдік. Әр азамат өз таңдауын жасауы керек деп есептеймін. Өйткені елдің болашағына қатысты мәселелерге бейжай қарауға болмайды», – деді құрылыс саласының қызметкері.

Құрылысшылардың айтуынша, сайлауға қатысу үшін жұмыс кестесін алдын ала жоспарлауға болады. Ең бастысы – өз азаматтық құқығыңды пайдаланып, ел өміріндегі маңызды мәселелерге қатысты ұстанымыңды білдіру.

№748 сайлау учаскесіне арнайы экипировкамен келген құрылысшылардың бұл қадамы еңбек адамдарының қоғамдық өмірге белсенді араласатынын көрсетті.

Елдің дамуы әр саланың еңбегінен құралады. Бірі өндірісте, бірі егістікте, енді бірі құрылыс алаңында еңбек етеді. Ал сайлау күні олардың барлығын біріктіретін ортақ құндылық – ел болашағына деген жауапкершілік.

«Дауысқа дейін 5 шақырым»: Жақсы ауылындағы спортшылар сайлауға жүгірумен келді
Ақмола облысының Жақсы ауылында сайлау күні спорт пен азаматтық белсенділік тоғысқан ерекше бастама ұйымдастырылды. Ауыл спортшылары «Дауысқа дейін 5 шақырым» атты символикалық жүгіруге қатысып, белгіленген қашықтықты еңсерген соң №474 сайлау учаскесінің маңында мәреге жетті.
Бастаманың негізгі мақсаты – салауатты өмір салтын насихаттап қана қоймай, азаматтардың ел өміріндегі маңызды оқиғаларға белсенді қатысуының маңызын көрсету. Жүгіруге қатысушылар үшін бұл күні әр шақырым жаңа белеске жетуді білдірсе, мәре – азаматтық таңдау жасауға бастайтын нүктеге айналды.
Спортшылар белгіленген 5 шақырымдық қашықтықты бірге еңсеріп, мәре сызығын сайлау учаскесінің жанында аяқтады. Одан кейін қатысушылар өз таңдауын жасау үшін дауыс беру учаскесіне барды.
«Спорт адамды тәртіпке, жауапкершілікке және алға қойған мақсатқа жетуге тәрбиелейді. Бүгінгі жүгіруді де жай ғана жарыс ретінде емес, белсенді азаматтық ұстанымның белгісі ретінде қабылдадық. Біз 5 шақырымды бірге жүгіріп өтіп, одан кейін сайлау учаскесіне келдік. Бұл – спорттағы белсенділік пен қоғам өміріне қатысудың өзара үндестігі», – деді сайлаушылар.
Жүгіруге әртүрлі жастағы спортсүйер тұрғындар қатысты. Олардың арасында тұрақты түрде спортпен айналысатын азаматтар да, салауатты өмір салтын ұстанатын ауыл жастары да болды. Қатысушылардың пікірінше, мұндай бастамалар адамдарды ортақ мақсатқа біріктіріп, маңызды қоғамдық оқиғаларға жаңа қырынан қарауға мүмкіндік береді.
«Әр адам өз өмірінде белгілі бір қашықтықты еңсеріп, алға қойған мақсатына жетуге ұмтылады. Бүгінгі 5 шақырымдық жүгірудің де өзіндік мәні бар. Біз мәреге жеткен соң азаматтық таңдауымызды жасадық. Менің ойымша, спорттағыдай қоғам өмірінде де белсенділік таныту маңызды», – деді сайлаушы.
«Дауысқа дейін 5 шақырым» бастамасы спорттың тек денсаулықты нығайтудың құралы ғана емес, адамдарды біріктіретін және ортақ құндылықтарға үндейтін күш екенін көрсетті.
Жақсы ауылындағы бұл ерекше бастама сайлау күнінің атмосферасына серпін берді. Спортшылар үшін мәреге жету – жарыстың аяқталуы ғана емес, ел өміріндегі маңызды күнге өз үлесін қосудың бастамасы болды. Салауатты өмір салты мен азаматтық белсенділікті бір арнаға тоғыстырған шара қатысушыларға ерекше әсер сыйлады.

«Егістікте еңбек етеміз – ел өміріне де қатысамыз»: Астраханка комбайншылары сайлауға келді

Астраханка ауылында бір топ комбайншы үшін сайлау күні тек егістіктегі жұмыспен ғана басталған жоқ. Агробизнес және сервис колледжінің қызметкерлері Дмитрий Антонец, Мадияр Пелевин және Дмитрий Скляров №181 сайлау учаскесіне келіп, дауыс беруге қатысты.

Колледж базасында өздеріне тиесілі егістік алқабы бар. Егін жинау науқаны кезінде азаматтар комбайн тізгіндеп, дала жұмыстарын атқарады. Сондықтан акцияға қатысушылардың жұмыс күні алдын ала жоспарланған. Соған қарамастан, олар дауыс беруге уақыт бөліп, сайлау учаскесіне бірге келуді жөн көрді.

«Қазір біз үшін нағыз қызу науқан. Егістікте жұмыс көп. Дегенмен дауыс беру де маңызды болғандықтан, оған алдын ала уақыт бөлуді шештік. Бірге келіп, өз таңдауымызды жасадық та, қайтадан жұмысқа ораламыз», – деді Дмитрий Антонец.

Дауыс бергеннен кейін комбайншылар қайтадан егістік алқабына аттанды. Олардың жұмыс күні техника мен ауыл шаруашылығының күнделікті міндеттерімен жалғасты.

«Егістікте еңбек етеміз – ел өміріне де қатысамыз» акциясы еңбек пен азаматтық жауапкершіліктің қатар жүретінін көрсетті. Әсіресе ауыл шаруашылығы саласында әр күннің маңызы зор болатын егін орағы кезеңінде жұмыс кестесіне сай уақыт тауып, сайлауға қатысу – еңбек адамдарының ел өміріне белсенді араласуының жарқын үлгісі.

Даладағы маңдай термен атқарылған еңбек те, ел болашағына қатысты жасалған саналы таңдау да – қоғам дамуына қосылған ортақ үлес.

Құрылысшылар еңбек үстінен сайлау учаскесіне келді Қосшы қаласындағы №748 сайлау учаскесінде сайлау күні еңбек адамдарының азаматтық белсенділігін көрсеткен ерекше көрініс орын алды. Құрылыс саласында еңбек етіп жүрген жұмысшылар арнайы қорғаныс киімдерін киіп, жұмыс арасындағы уақытын пайдаланып, өз таңдауын жасау үшін сайлау учаскесіне келді, деп хабарлайды Өңірлік Коммуникациялар қызметінен.

Құрылысшылар үшін жұмыс ырғағы үнемі қарқынды. Нысандардың уақытында аяқталуы, белгіленген жоспардың орындалуы мен қауіпсіздік талаптарының сақталуы күнделікті еңбекті талап етеді. Соған қарамастан, олар ел өміріндегі маңызды қоғамдық оқиғадан шет қалмай, сайлауға қатысуды жөн көрді.

Құрылыс киімімен келген азаматтардың сайлау учаскесіндегі көрінісі еңбек пен азаматтық жауапкершіліктің қатар жүретінін көрсетті. Олар үшін елдің дамуына үлес қосу тек кәсіби міндетпен шектелмейді.

«Біз күн сайын құрылыс алаңында еңбек етіп, қаланың дамуына өз үлесімізді қосып жүрміз. Бүгін жұмыс арасынан уақыт тауып, сайлау учаскесіне бірге келдік. Әр азамат өз таңдауын жасауы керек деп есептеймін. Өйткені елдің болашағына қатысты мәселелерге бейжай қарауға болмайды», – деді құрылыс саласының қызметкері.

Құрылысшылардың айтуынша, сайлауға қатысу үшін жұмыс кестесін алдын ала жоспарлауға болады. Ең бастысы – өз азаматтық құқығыңды пайдаланып, ел өміріндегі маңызды мәселелерге қатысты ұстанымыңды білдіру.

№748 сайлау учаскесіне арнайы экипировкамен келген құрылысшылардың бұл қадамы еңбек адамдарының қоғамдық өмірге белсенді араласатынын көрсетті.

Елдің дамуы әр саланың еңбегінен құралады. Бірі өндірісте, бірі егістікте, енді бірі құрылыс алаңында еңбек етеді. Ал сайлау күні олардың барлығын біріктіретін ортақ құндылық – ел болашағына деген жауапкершілік.

«Батамен ел көгерер»: сайлау учаскелерінде ақсақалдар ақ батасын берді Ақмола облысында сайлау күні ұлттық дәстүр мен азаматтық белсенділікті ұштастырған «Батамен ел көгерер» акциясы ұйымдастырылды. Дауыс беруге келген елге сыйлы азаматтар мен аға буын өкілдері өз таңдауын жасағаннан кейін ақ батасын беріп, елдің амандығы мен халықтың бірлігіне қатысты ізгі тілектерін білдірді, деп хабарлайды Өңірлік Коммуникациялар қызметінен.

Қазақ халқының дәстүрінде бата – үлкеннің кейінгі ұрпаққа жол көрсетіп, ақ ниетін білдіруінің ерекше үлгісі. «Батамен ел көгерер» деген сөздің өзінде елдің берекесі мен болашағына деген ізгі тілек жатыр. Сайлау күні бұл дәстүрдің жаңғыруы ұлттық құндылық пен азаматтық жауапкершіліктің сабақтастығын көрсетті.

Дауыс беріп болғаннан кейін ақсақалдар мен елге еңбегі сіңген азаматтар жастарға, сайлаушыларға және жалпы ел-жұртқа ақ тілектерін арнады.

«Бүгін әр азамат өз таңдауын жасап, ел өміріне қатысты маңызды іске атсалысып жатыр. Қазақта үлкеннің батасын алу – жақсы істің бастауы. Сондықтан барша елге амандық, халыққа бірлік, жастарға жарқын болашақ тілеймін. Еліміз тыныш, жұртымыздың берекесі арта берсін», – деді елге сыйлы ақсақал Қанат Әлімбаев.

Акцияға қатысқан аға буын өкілдері үшін де бұл күннің мәні ерекше. Олар өз азаматтық міндетін орындап қана қоймай, ұлттық дәстүрді кейінгі ұрпаққа дәріптеуге мүмкіндік алды. Ақ батаның жастарға бағытталуы ұрпақтар сабақтастығының жарқын көрінісіне айналды.

Сайлау учаскесінде айтылған баталарда елдің тыныштығы, халықтың бірлігі, ұрпақтың амандығы мен мемлекеттің өркендеуі секілді ортақ құндылықтар кеңінен қамтылды.

«Батамен ел көгерер» акциясы осылайша сайлау күнінің мазмұнын ұлттық рухпен толықтырды. Бұл – қазіргі қоғамдық өмір мен ғасырлар бойы қалыптасқан салт-дәстүрдің өзара үйлесім табуының көрінісі.

Ақсақалдың батасы – өткеннің өнегесі мен келешекке деген ақ тілектің арасын жалғайтын рухани көпір. Ал ел болашағы үшін жасалған әрбір саналы таңдау осы ақ ниетпен сабақтасып, ұрпақтар жалғастығын нығайта түседі.

Қосшы қаласының спортшылары сайлауға бірге келді Сайлау күні Косшы қаласындағы «Степ-аэробика» спорттық тобының қатысушылары №747 сайлау учаскесіне бірге келіп, өздерінің сайлау құқығын жүзеге асырды, деп хабарлайды Өңірлік Коммуникациялар қызметінен.

Топ жаттықтырушысы Елена Матвиенко – бодибилдингтен Қазақстан чемпионатының қола жүлдегері, пауэрлифтингтен елдің бірнеше дүркін чемпионы және спорт шеберлігіне кандидат. Бүгінде ол спортпен белсенді айналысып қана қоймай, шәкірттеріне дене дайындығын жетілдіруге көмектесіп келеді.

Топ қатысушылары үшін спорт әлдеқашан күнделікті өмір салтына айналған. Бірлескен жаттығулар оларды біріктіріп, бір-біріне қолдау көрсетуге, белсенділікті сақтауға және өз алдына қойған мақсаттарына ұмтылуға мүмкіндік береді.

Бұл күні спортшылар сайлау учаскесіне де бірге баруды жөн көрді. Елена Матвиенконың айтуынша, елдің қоғамдық өміріне қатысу да спортпен шұғылдану секілді жауапкершілікті талап етеді.

«Спорт бізді тәртіпке, жауапкершілікке және мақсатқа қарай табандылықпен ұмтылуға үйретеді. Менің ойымша, бұл қасиеттер жаттығу залынан тыс өмірде де маңызды. Сондықтан бүгін біз сайлау учаскесіне бірге келіп, өз таңдауымызды жасадық. Әр адам үшін бұл – жеке шешім қабылдайтын және елдің болашағына ықпал етуге мүмкіндік беретін маңызды сәт», – деді Елена Матвиенко.

Спортшылардың сайлау учаскесіне бірге келуі белсенді өмір салтының тек жаттығу барысында ғана емес, қоғамдық өмірде де көрініс табатынын көрсетті.

Ортақ мақсатқа ұмтылған спортшылардың бұл қадамы азаматтық жауапкершіліктің де ұжымдық қолдаумен қатар жүретінін аңғартты. Өйткені спорттағыдай, қоғамда да әр адамның белсенділігі ортақ нәтижеге өз үлесін қосады.

Грузиядан келген халықаралық байқаушы алғашқы Құрылтай сайлауының ұйымдастыру деңгейін жоғары бағалады Грузия Орталық сайлау комиссиясының төрағасы Георгий Каландаришвили Қазақстандағы алғашқы Құрылтай сайлауында дауыс берудің ұйымдастыру деңгейін жоғары бағалады.
Оның айтуынша, сайлау үдерісінің ұйымдастырылуынан алған алғашқы әсері «өте жағымды» болған. Грузиялық байқаушы комиссия мүшелерінің кәсібилігі мен даярлығына, сондай-ақ дауыс беру үдерісінің ұйымдастырылуына ерекше назар аударды.
«Сайлауды өткізуге жауапты органның төрағасы ретінде мен бұл үдеріске, әрине, кәсіби тұрғыдан қараймын. Рәсімдердің қаншалықты нақты белгіленіп, дәйекті түрде сақталатынына, учаскелік комиссиялардың дайындығына, сайлаушылардың өз құқықтарын еркін әрі артық кедергілерсіз жүзеге асыра алуына, үдерістің қаншалықты ашық және ұйымдасқан түрде өтіп жатқанына ерекше назар аударамын», – деді Георгий Каландаришвили.
Халықаралық байқаушы сайлау учаскесінің ашылуына қатысып, комиссияның жұмысқа дайын екенін атап өтті. Оның бағалауынша, барлық рәсім сақталып, азаматтардың дауыс беруі үшін қажетті жағдай жасалған.
Грузия Орталық сайлау комиссиясының басшысы учаскедегі атмосфераға да жеке тоқталды. Оның сөзінше, сайлау барысы өзара құрметке негізделген.
«Сайлаушылардың танытып отырған қызығушылығы жоғары. Адамдардың өз елінің болашағын айқындауға қатысуға мүмкіндігі мен ниеті болған кезде ғана сайлаудың мәні бар. Бұл ретте дауыс берудің бейбіт әрі өзара құрмет жағдайында өтуі маңызды. Сонда әр адам еркін әрі саналы таңдау жасай алады», – деп атап өтті ол.
Екі ел арасындағы ынтымақтастық туралы айта келе, ол Қазақстан мен Грузияның сайлау органдары арасында тәжірибе алмасуға мүмкіндік бар екенін атап өтті. Перспективалық бағыттардың қатарында сайлау технологияларын қолдану, киберқауіпсіздік, комиссия мүшелерін даярлау, азаматтарды ақпараттандыру, логистика және сайлау үдерістерінің ашықтығын арттыру бар.
Сөз соңында Георгий Каландаришвили кәсіби диалог сайлауды тиімдірек, қолжетімді әрі азаматтарға түсінікті етуге, сондай-ақ қоғамның сайлау жүйесіне деген сенімін нығайтуға мүмкіндік беретін шешімдерді табуға жол ашатынына ерекше мән берді.