Month: October 2026 (Page 14 of 37)

🇰🇿🇮🇱Мемлекет басшысы Израиль Президенті Ицхак Герцогпен кездесу өткізді

🇰🇿🇮🇱Мемлекет басшысы Израиль Президенті Ицхак Герцогпен кездесу өткізді

✔️Бакуде өтіп жатқан Азиядағы өзара іс-қимыл және сенім шаралары кеңесінің 7-саммиті аясында Президент Қасым-Жомарт Тоқаев Израиль Президенті Ицхак Герцогпен кездесті.

✔️Мемлекеттер басшылары Қазақстан-Израиль қарым-қатынасы қарқынды сипат алғанына тоқталды. Сондай-ақ сауда-экономикалық және инвестициялық ықпалдастыққа ден қоя отырып, маңызды бағыттар бойынша ынтымақтастықты дамыту перспективасын талқылады.

✔️Қасым-Жомарт Тоқаев Ицхак Герцогтің сәуір айында Астанаға жасаған сапары мемлекеттер арасындағы байланысты нығайтуға айтарлықтай серпін бергеніне назар аударды.

✔️Израиль Президенті де Қазақстанға сапарын ризашылықпен еске алды. Оның пікірінше, еліміздің көптеген салада алға басуы екіжақты ықпалдастықты ілгерілетуге жол ашады.

✔️Ицхак Герцог Қазақстанның Бейбітшілік кеңесіне қосылуын құптап, бұл оқиғаның бейбітшілік пен тұрақтылықты нығайтуға қосылған зор үлес екенін атап өтті.

✔️Сондай-ақ тараптар халықаралық күн тәртібіндегі өзекті мәселелер, соның ішінде Таяу Шығыстағы ахуал жөнінде пікір алмасты.

✔️Мемлекет басшысы шиеленісті бәсеңдетіп, қақтығыстарды дипломатия құралдары арқылы реттеу қажеттігін жеткізді және Қазақстанның осы қағидатты берік ұстанатынын айтты.

Қазақстан бойынша 600-ден астам сауда нысаны Republic Day және Bereke Fest акцияларына қосылды

Қазақстан бойынша 600-ден астам сауда нысаны Republic Day және Bereke Fest акцияларына қосылды

Қазақстанда Республика күні қарсаңында Republic Day және Bereke Fest акцияларын қамтитын жалпыұлттық мерекелік жеңілдіктер науқаны басталды. Оған 17 қазаннан еліміз бойынша 649 сауда нысаны қосылды. Republic Day акциясы ірі сауда ойын-сауық орталықтары мен сауда кешендерінде өтсе, Bereke Fest сауда желілерін қамтиды.

Тұтынушылар үшін азық-түлік және азық-түлікке жатпайтын тауарларға арнайы бағалар қойылған. Мерекелік ұсыныстар 27 қазанға (қоса алғанда) дейін жалғасады. Тауарлардың жекелеген санаттарына 50%-ға дейін жеңілдік қарастырылған. Жалпы жеңілдік мөлшері тауар ассортименті мен акцияға қатысушы сауда ұйымдарының шарттарына байланысты.

Republic Day акциясы аясында 232 сауда-ойын-сауық орталығы мен сауда үйі жеңілдіктер ұсынады. Олардың қатарында Астанадағы MEGA Silk Way және «Хан Шатыр», Алматыдағы MEGA Alma-Ata, MEGA Park пен Forum Almaty, сондай-ақ Шымкенттегі Mega Planet пен Shymkent Plaza бар.

Bereke Fest акциясына бөлшек сауда желілерінің 417 дүкені қосылды. Олардың қатарында Magnum, SMALL, «Астықжан» және GraMad бар. Мерекелік ұсыныстар еліміздің басқа өңірлеріндегі сауда нысандарында да қолжетімді.

Бұл акциялар тұтынушылардың белсенділігін арттырып, ішкі сауданы дамытуға бағытталған. Сондай-ақ мерекелік науқан тауарларды төмендетілген бағамен сатып алу мүмкіндігімен қатар, сауда ұйымдарына келушілер санын мен сату көлемін арттыруға, ал отандық өндірушілерге бөлшек сауда желілеріндегі өнім үлесін ұлғайтуға мүмкіндік береді.

Жалпыұлттық науқанды Қазақстан Республикасының Сауда және интеграция министрлігі жергілікті атқарушы органдармен бірлесіп ұйымдастырды. Акцияға қатысушы сауда нысандарының мекенжайлары көрсетілген толық тізімі әкімдіктердің ресми интернет-ресурстарында көрсетілген. Жеңілдіктер мөлшері, тауар ассортименті және сатып алу шарттары туралы ақпаратты сауда ұйымдары жариялайды.

Мерекелік акциялар 2026 жылғы 27 қазанда аяқталады.

https://www.gov.kz/org/mti/press/news/details/1314773?lang=kk

🌾 Қазақстанның агроөнеркәсіптік кешенінің 7 жылдағы жетістіктері

🌾 Қазақстанның агроөнеркәсіптік кешенінің 7 жылдағы жетістіктері

Соңғы жеті жылда Қазақстанның агроөнеркәсіптік кешені айтарлықтай дамыды. Ауыл шаруашылығы өндірісі кеңейіп, кәсіпорындар жаңғыртылып, цифрлық технологиялар енгізілуде. Фермерлерге мемлекеттік қолдау көрсету шаралары да күшейтілуде.

🌱 Бұл өзгерістер өндіріс көлемін арттыруға, азық-түлік қауіпсіздігін нығайтуға және ауылдық аумақтарды дамытуға ықпал етеді.

🌾 Қазақстанның ауыл шаруашылығы саласын цифрландыру

🌾 Қазақстанның ауыл шаруашылығы саласын цифрландыру

Қазақстанның агроөнеркәсіптік кешені цифрландырудың жаңа кезеңіне өтуде. Заманауи технологиялар жер ресурстарын тиімді басқаруға, өндірісті бақылауға және фермерлердің бюрократиялық жүктемесін азайтуға мүмкіндік береді.

Ауыл шаруашылығы министрлігінің мәліметінше, ведомствоның 80 мемлекеттік қызметінің 75-і (94%) онлайн көрсетіледі. Gosagro.kz платформасында 200 мыңға жуық пайдаланушы тіркелген. Оның арқасында аграршылар 1 млрд теңгеден астам қаражат үнемдеген.

2026 жылы JerInSpectr жүйесі арқылы 8,3 млн гектар жерге қашықтан мониторинг жүргізілді. Мал шаруашылығында шамамен 39,6 млн бас ірі және ұсақ мал мен жылқы есепке алынған.

🌱 Цифрлық платформалар мен жасанды интеллектіні дамыту өндірістің ашықтығын арттырып, ресурстарды тиімді пайдалануға және Қазақстан ауыл шаруашылығының бәсекеге қабілеттілігін нығайтуға ықпал етеді.

Дереккөз: Zakon.kz

🌿 Қызылордада «GREEN ARAL: VOLUNTEERS FOR LIFE 2026» халықаралық волонтерлік апталығы басталды.

🌿 Қызылордада «GREEN ARAL: VOLUNTEERS FOR LIFE 2026» халықаралық волонтерлік апталығы басталды.

Іс-шара Арал өңірінің табиғатын сақтау мен экожүйесін қорғауға бағытталған. Бастама Мемлекет басшысы Қасым-Жомарт Тоқаевтың ұсынысымен, БҰҰ жариялаған Халықаралық волонтерлер жылы аясында ұйымдастырылды.

Апталыққа Өзбекстан, Қырғызстан және Қазақстан өңірлерінен 100 волонтер, сондай-ақ 500-ден астам студент пен жас ерікті қатысты.

🌱 «Таза Қазақстан» акциясы аясында қатысушылар Қызылордадағы Президент саябағына ағаш көшеттерін отырғызды.

20–23 қазан аралығында Арал ауданында экологиялық акциялар, сексеуіл отырғызу, танымдық кездесулер мен мәдени іс-шаралар өткізіледі.

🤝 Бастама экологиялық жауапкершілікті арттыруға, волонтерлік қозғалысты дамытуға және халықаралық ынтымақтастықты нығайтуға бағытталған.

🌾 Цифрландыру — ауыл шаруашылығын дамытудың маңызды бағыты

🌾 Цифрландыру — ауыл шаруашылығын дамытудың маңызды бағыты

Қазақстанның Солтүстік Қазақстан облысында мал шаруашылығында заманауи цифрлық технологиялар мен автоматтандырылған жүйелер енгізілуде.

«Атамекен-Агро-Корнеевка» кәсіпорнында малдың жағдайы мен сүт өнімділігін бақылауға арналған DairyPlan және CowScout жүйелері қолданылады. Ал «СК Агро 2050» ЖШС-де 100 басқа арналған «Карусель» сауу қондырғысы жұмыс істейді.

«Зенченко и К» КТ жылына 38 мың тоннаға дейін сүт өндіретін, 9 мың басқа арналған тауарлы-сүт фермасын салу жобасын жүзеге асыруда.

📊 2025 жылдың қорытындысы бойынша Қазақстандағы ауыл шаруашылығының жалпы өнім көлемі 9,8 трлн теңгеге жетті. Ал агроөнеркәсіптік кешенді жеңілдікпен қаржыландыруға 1 трлн теңгеге дейін қаражат қарастырылды.

Заманауи технологияларды енгізу, өндірісті жаңғырту және мемлекеттік қолдау ауыл шаруашылығының тиімділігін арттырып, елдің азық-түлік қауіпсіздігін нығайтуға мүмкіндік береді.

Источник: Kazinform

Қазақстанда жеңіл автокөлік өндірісі артты

Қазақстанда жеңіл автокөлік өндірісі артты

2026 жылғы қаңтар-қыркүйек айларында Қазақстанда 136 548 жеңіл автокөлік өндірілді. Бұл 2025 жылдың сәйкес кезеңімен салыстырғанда 38%-ға жоғары.

Қыркүйек айында 19 377 жеңіл автокөлік шығарылды. Өндіріс көлемі өткен жылдың осы айымен салыстырғанда 66,4%-ға, ал ағымдағы жылдың тамыз айымен салыстырғанда 35,5%-ға көп.

Қазақстанда автокөлік өндірумен 12 кәсіпорын айналысады. Жеңіл автокөлік өндірісінің негізгі көлемі Алматы қаласы мен Қостанай облысына тиесілі. Олардың үлесі тиісінше 50,5% және 49,5%-ды құрайды.

2026 жылғы қаңтар-қыркүйек айларында «Автокөліктер, тіркемелер және жартылай тіркемелер» санаты бойынша өнеркәсіп өнімінің көлемі ақшалай мәнде 1,67 трлн теңгеге жетті. Осы санаттағы өнеркәсіп өндірісінің индексі өткен жылдың сәйкес кезеңімен салыстырғанда 129,9% деңгейінде қалыптасты.

2026 жылғы қыркүйекте өндірілген өнім көлемі 198,4 млрд теңгені құрады. Бұл көрсеткіш ақшалай мәнде 2026 жылғы тамызбен салыстырғанда 25,7%-ға, ал 2025 жылғы қыркүйекпен салыстырғанда 10,5%-ға өсті.

https://stat.gov.kz/news/aza-standa-zhe-il-avtok-lik-ndirisi-artty

Қосшы қаласында «Адал азамат – біртұтас тәрбие» атты жайдарман сайысы өтті

Қосшы қаласында «Адал азамат – біртұтас тәрбие» атты жайдарман сайысы өтті

Қосшы қаласының прокуратурасы қалалық Білім бөлімімен бірлесіп, «Заң мен тәртіп» идеологиясын ілгерілету және жас ұрпақтың құқықтық мәдениетін қалыптастыру мақсатында қала мектептері арасында «Адал азамат – біртұтас тәрбие» атты жайдарман сайысын ұйымдастырды.

Іс-шараның негізгі мақсаты – оқушылар арасында заңға құрметпен қарау, қоғамдық тәртіпті сақтау және құқық бұзушылықтардың алдын алу мәдениетін қалыптастыру, сондай-ақ өскелең ұрпақтың азаматтық жауапкершілігін арттыру.

Сайыс барысында мектеп оқушылары әзіл мен астарлы ойды ұштастыра отырып, қоғамдық тәртіп, заң үстемдігі және құқық бұзушылықтың алдын алу тақырыптарында сахналық қойылымдар ұсынды. Қатысушылар өз өнерлері арқылы заң талаптарын сақтау мен әр азаматтың қоғам алдындағы жауапкершілігінің маңызын жеткізді.

Іс-шара қорытындысы бойынша үздік өнер көрсеткен командалар жеңімпаздар мен жүлдегерлер қатарынан көрініп, оларға бағалы сыйлықтар мен алғысхаттар табысталды.

Мұндай тәрбиелік іс-шаралар жастардың құқықтық сауаттылығын арттыруға, заңға құрметпен қарауға және қоғамда құқық бұзушылықтың алдын алу мәдениетін қалыптастыруға ықпал етеді.

«Заң мен тәртіп» идеологиясын ілгерілету және жас ұрпақтың құқықтық тәрбиесін нығайту бағытындағы жұмыстар алдағы уақытта да жалғасын табады.

Көкшетауда киберқылмысқа қарсы күрес мәселелері талқыланды

Көкшетауда киберқылмысқа қарсы күрес мәселелері талқыланды

Көкшетауда Шоқан Уәлиханов атындағы университетте онлайн-алаяқтыққа қарсы күрес және цифрлық қауіпсіздікті қамтамасыз ету мәселелеріне арналған халықаралық ғылыми-практикалық конференция өтті.

Іс-шараға ғалымдар, заңгерлер, прокуратура, полиция және сот жүйесінің өкілдері қатысты. Қатысушылар интернет-алаяқтықтың алдын алу, азаматтардың банк шоттары мен төлем құралдарын заңсыз пайдалану, сондай-ақ халықтың қаржылық және цифрлық сауаттылығын арттыру жолдарын талқылады.

Сарапшылардың пікірінше, киберқылмыспен тиімді күресу үшін құқықтық шаралармен қатар, азаматтарды ерте жастан цифрлық қауіпсіздік негіздеріне үйрету маңызды.

Облыстық прокуратураның мәліметінше, биылғы жылдың алғашқы тоғыз айында өңірде тіркелген алаяқтық деректері 17,5%-ға, ал интернет-алаяқтық жағдайлары 14,5%-ға азайған. Дегенмен, алаяқтар азаматтарға банк қызметкерлері ретінде хабарласып, жалған интернет-дүкендер арқылы алдау әрекеттерін жалғастыруда.

Полиция өкілдері тұрғындарды бейтаныс адамдарға жеке және банк деректерін бермеуге, күмәнді қоңыраулар кезінде байланысты дереу тоқтатуға және құқық қорғау органдарына хабарлауға шақырады.

Конференция қорытындысында қатысушылар киберқылмыстың алдын алу үшін мемлекеттік органдардың, білім беру ұйымдарының және ғылыми қауымдастықтың өзара ынтымақтастығын күшейту қажеттігін атап өтті.

Банктік шотқа қауіп төніп тұр: алаяқтық схеманың қатысушысы болудан қалай сақтануға болады

Банктік шотқа қауіп төніп тұр: алаяқтық схеманың қатысушысы болудан қалай сақтануға болады

Банктік шоттар алаяқтық жолмен алынған қаражатты аудару және қолма-қол ақшаға айналдыру үшін пайдаланылуы мүмкін. Мұндай схемаларға азаматтар көбіне қосымша табыс табу туралы ұсыныстар немесе бейтаныс адамдардың өтініштері арқылы тартылады.

Дропперлік – үшінші тұлғалардың мүддесі үшін банктік шоттарды, карталарды немесе төлем құралдарын пайдаланып, ақша қабылдау, аудару және қолма-қол ақшаға айналдыру әрекеттері. Алаяқтар мұндай қызметті көбіне оңай әрі жылдам табыс табу мүмкіндігі ретінде ұсынады.

Егер жұмысқа орналасу үшін жеке банктік картаға ақша қабылдау, оны басқа шоттарға аудару немесе қолма-қол ақша шешіп алу талап етілсе, мұндай ұсынысқа сақтықпен қарау қажет. Бұл қаражат басқа азаматтардан телефон немесе интернет-алаяқтық арқылы ұрланған болуы мүмкін.

Қазақстанда 2025 жылғы 16 қыркүйектен бастап Қылмыстық кодекстің 232-1-бабы қолданылады. Ол банктік шоттарға, төлем құралдарына және сәйкестендіру құралдарына заңсыз қолжетімділікті ұсынғаны, сондай-ақ заңсыз төлемдер мен аударымдардың жекелеген түрлері үшін қылмыстық жауапкершілікті көздейді. Жасалған әрекеттердің сипатына қарай айыппұлдан бастап, мүлкін тәркілей отырып, жеті жылға дейін бас бостандығынан айыру жазасы қолданылуы мүмкін.

Банктік шотты қорғау үшін азаматтарға мынадай сақтық шараларын сақтау ұсынылады:

  • банк картасын, PIN-кодты, құпиясөздерді және SMS-кодтарды басқа адамдарға бермеу;
  • бейтаныс адамдардың ақшасын жеке шот арқылы қабылдамау және аудармау;
  • күмәнді жұмыс ұсыныстарына келіспеу;
  • жеке деректерді бөгде адамдарға жібермеу және күмәнді сілтемелерге өтпеу;
  • банктік операцияларды үнемі тексеріп отыру.

Егер шотқа белгісіз ақша түссе немесе адамның атына рұқсатсыз банктік шот ашылғаны анықталса, дереу банкке ресми арналар арқылы хабарласу қажет. Ақшаны бейтаныс адамның нұсқауы бойынша қайтармай, мәселені банк арқылы реттеген жөн. Алаяқтық белгілері болған жағдайда құқық қорғау органдарына жүгіну керек.

Қаржылық қауіпсіздікті сақтау үшін күмәнді ұсыныстардан бас тартып, банктік операцияларды мұқият бақылау маңызды.

Дереккөз: Fingramota.kz

« Older posts Newer posts »

© 2026 ЗЕРЕН

Theme by Anders Noren — Up ↑