Month: October 2026 (Page 26 of 37)

🌿 «Ардагерлер аллеясы – ұрпаққа аманат»

🌿 «Ардагерлер аллеясы – ұрпаққа аманат»

Бүгін Жарқайың ауданында «Таза Қазақстан» экологиялық акциясы аясында Ардагерлер кеңесі мен Жастар ресурстық орталығының ұйымдастыруымен сенбілік өтті.

Сенбілік барысында аллея аумағында тазалық жұмыстары жүргізіліп, арамшөптерден тазартылды. Қатысушылар қоршаған ортаны таза ұстауға және қоғамдық орындардың көркін жақсартуға үлес қосты.

🌱 Туған жердің тазалығы – баршамызға ортақ жауапкершілік!

#ТазаҚазақстан #ТазаОрта #ӨзіңненБаста

Сәтбаевта қазір жаңа спорттық-сауықтыру кешені салынып жатыр.

Сәтбаевта қазір жаңа спорттық-сауықтыру кешені салынып жатыр. Меніңше, бұл қала үшін жай ғана жаңа нысан емес, тұрғындарға нақты пайдасын тигізетін маңызды жоба бола алады.

Құрылыс саласының маманы ретінде мұндай жобаларда ең алдымен орындалып жатқан жұмыстардың сапасына, жобалық шешімдердің сақталуына және болашақ нысанның қауіпсіздігіне мән беремін. Қазір құрылыс жалғасуда, сондықтан осы талаптардың әр кезеңде сақталуы өте маңызды.

Жобада кешен ішіндегі спорт залдарымен қатар, сыртқы аумақта ашық спорт алаңдарының қарастырылғанын да дұрыс шешім деп санаймын. Бұл нысанның мүмкіндігін кеңейтіп, оны спорттың және белсенді демалыстың әртүрлі түрлері үшін пайдалануға жағдай жасайды.

Қазіргі кезеңде инженерлік жүйелердің монтажы, ішкі әрлеу және абаттандыру жұмыстарының сапасын бақылауға ерекше назар аудару қажет. Өйткені нысанның қаншалықты қолайлы, сенімді және ұзақ мерзім қызмет ететіні дәл осы жұмыстардың сапасына тікелей байланысты.

Құрылыс жұмыстарын 2026 жылдың соңына дейін аяқтау жоспарланған. Егер барлық жұмыс сапалы және жоба талаптарына сәйкес орындалса, Сәтбаев қаласы тұрғындарға шын мәнінде қызмет ететін заманауи спорт нысанына ие болады.

Қасым-Жомарт Тоқаев жасанды интеллект саласында тәжірибе алмасатын тұрақты механизм қалыптастыру бастамасын көтерді

Қасым-Жомарт Тоқаев жасанды интеллект саласында тәжірибе алмасатын тұрақты механизм қалыптастыру бастамасын көтерді

✔️Президент цифрландыру рөлі артып, жасанды интеллектіні немесе суперинтеллектіні қолдану аясы кеңейіп келе жатқанына назар аударды.

✔️Оның пайымдауынша, жаңа технологияларды игеріп, төл әзірлемелерін енгізу ТМД елдері экономикасының бәсекеге қабілетін айқындайтын негізгі фактор болмақ.

✔️Бұл ретте Қасым-Жомарт Тоқаев жасанды интеллект стратегиясы, заңнама, мемлекеттік қолдау шаралары бойынша тәжірибе алмасатын тұрақты механизм қалыптастыру бастамасын көтерді. Оған ғылыми орталықтар, университеттер, компаниялар мен стартаптар қатыса алады.

✔️Сондай-ақ Президент келесі жылдың алғашқы тоқсанында Астанада ЖИ саласы мамандарының ТМД аясындағы арнайы форумын өткізуді ұсынды.

✔️Мемлекет басшысы мәдени-гуманитарлық байланыстарды күшейтудің маңызына тоқталды. Өйткені адамдар арасындағы тығыз қарым-қатынас, өзара сенім, ұқсас менталитет, сондай-ақ орыс тілі ТМД-ның бірегей сипатын паш ететін ерекшеліктер саналады.

Мемлекет басшысы ТМД елдерінің үздік индустриялық-технологиялық жобаларының тізімін жасақтауды ұсынды

Мемлекет басшысы ТМД елдерінің үздік индустриялық-технологиялық жобаларының тізімін жасақтауды ұсынды

✔️Президенттің айтуынша, Қазақстан бір мезгілде Ресей бағытында, сондай-ақ Өзбекстан және Қырғызстан елдерімен арадағы шекара маңында индустриялық-сауда орталықтарының желісін құрып жатыр.

✔️Өнеркәсіп және сауда саласындағы ынтымақтастықты нығайту мақсатында құқықтық база жасалды.

– ТМД кеңістігінің біраз бөлігінде іскерлік байланыстарды дамытуға және жаңа өндіріс орындарын ашуға арналған заманауи инфрақұрылым қалыптасып келеді. Енді осы әлеуетті барынша ұтымды пайдалану керек. Басқаша айтқанда, өзара сауда-саттықтағы негізсіз, қолдан жасалған кедергілерден арылған жөн. Қызметтер нарығын кеңейтіп, инвестицияға қолайлы жағдай жасау қажет. Достастық аясында бірлескен ірі бастамаларды жүзеге асыру аталған жұмыстың қисынды жалғасы болуға тиіс. Осы орайда, ТМД елдерінің 2027-2030 жылдарға арналған үздік индустриялық-технологиялық жобаларының тізімін жасақтауды ұсынамын. Менің ойымша, қосылған құны жоғары өнім өндірісіне баса мән берген дұрыс. Бұл экономикаға серпін беретін жаңа нысандарды құруға септігін тигізеді. Сонымен қатар Қазақстан осы міндеттердің күрделі екенін ескере отырып, экономикалық саладағы артықшылықтары мен жетістіктерін тиімді пайдалану мүмкіндігінен бас тартпайды және прагматикалық ұстанымында қала береді. Аталған іске даму институттары, қаржы ұйымдары және бизнес атсалысуы керек, – деді Қасым-Жомарт Тоқаев.

Президент ТМД мемлекеттері басшылары кеңесінің отырысында сөз сөйледі  

Президент ТМД мемлекеттері басшылары кеңесінің отырысында сөз сөйледі
 
✔️Мемлекет басшысы Қасым-Жомарт Тоқаев жиынға қатысушыларға ілтипат білдіріп, саммитті ойдағыдай ұйымдастырғаны және қонақжайлық көрсеткені үшін Түрікменстан Президенті Сердар Бердімұхамедовке алғыс айтты.
 
– Қазақстан Түрікменстанның Ұйымға төрағалық жасаған кезеңінің нәтижелерін және ТМД-ның ортақ күн тәртібін ілгерілетуге қосқан үлесін жоғары бағалайды. Осыған орай, құрметті әріптес, Сіздің жоғары кәсіби деңгейдегі жұмысыңызға ризашылығымды білдіремін. Бүгінгі саммит Тәуелсіз Мемлекеттер Достастығының 35 жылдығымен тұспа-тұс келіп отыр. Өздеріңізге мәлім, Қазақстан Ұйымның бастауында тұрды. 1991 жылы қол қойылған Алматы декларациясы шын мәнінде мемлекеттеріміздің тарихындағы бетбұрысты сәт болды. ТМД-ның құрылуы посткеңестік кеңістіктегі жаппай қақтығыстың алдын алды. ТМД-ның біріктіруші миссиясы елдеріміз тәуелсіздік алған кезеңде айқын көрінді десек, артық айтқанымыз емес. Одақ құрамындағы елдер ірге бөлген күрделі сәтте тарихи байланыстарымызды сақтап, мемлекетаралық ықпалдастықтың мүлдем жаңа форматын құрдық. Осы жылдарда Достастық ұйымы сенім мен ынтымақтастықты дәріптейтін тиімді көпжақты тетік ретінде бүкіл әлемге кеңінен танылды, – деді Қасым-Жомарт Тоқаев.

Екі жылыту маусымында қазақстандықтардың үйлеріне 56 мыңнан астам датчик орнатылды

Екі жылыту маусымында қазақстандықтардың үйлеріне 56 мыңнан астам датчик орнатылды

ҚР ТЖМ Стратегиялық жоспарлау және жедел басқару орталығында «Жылыту маусымы: өрттердің негізгі себептері және олардың алдын алу шаралары» тақырыбында брифинг өтті. Спикер: ТЖМ Өртке қарсы қызмет комитеті төрағасының орынбасары Қайрақбаев Руслан Сламбекұлы.

Жылы беру маусымында өрт шығу қаупін азайту мақсатында Төтенше жағдайлар министрлігі профилактикалық шараларды алдын ала бастады.

15 тамыздан бастап елімізде Республикалық өрт қауіпсіздігі профилактикалық акциясы өтуде. Акция шеңберінде үйлерді аралау, нұсқама беру халыққа атаулы көмек көрсетуді қамтитын іс-шаралар кешені өткізілуде. Азаматтарға жылу мен электр құралдарын пайдалану түсіндіріледі.

Жылу беру кезеңінде халықтың әлеуметтік осал топтарына ерекше назар аударылады. Бүгінгі таңда әлеуметтік осал топтағы азаматтар тұратын 96 мыңнан астам тұрғын үй есепте тұр, бұл тізім үйлерді аралау барысында түзетіліп отырады. Жылу және электр жүйелерін жарамды күйде ұстау, түтін мұржаларын тазарту және басқа да профилактикалық үгіт-насихат жұмыстар жүргізілуде.

Қазір әлеуметтік осал топтағы үйлердің бәрі қамтылған. Әкімдіктер мен еріктілердің көмегі арқылы 74,5 мың үй өртке қарсы жағдайға келтірілді. Профилактикалық жұмыс тек бір рет барумен шектелмейді. Өрт қауіпсіздігі талаптарын бұза отырып пайдалануды жалғастыратын тұрғын үйлерді қайта аралау жүзеге асырылады.

Газ және жану өнімдерінің қауіпті концентрациясы датчиктерін орнату тәжірибесі жалғасуда. Әкімдіктер мен еріктілердің көмегімен ағымдағы профилактикалық акция басталғаннан бері 5 мыңнаң астам датчик орнатылды. Өткен жылыту маусымы барысында тұрғын үйлерде 51 мыңнан астам датчиктер орнатылды.Осы тәжірибені енгізгеннен бері датчиктердің дабыл беруінің 68 жағдайы тіркелді, соның арқасында 290 адам улану мен өлімнен аман қалды.

Қарттар мен мүмкіндігі шектеулі азаматтардың үйлерінде өрт қауіпсіздігін қамтамасыз етуге бағытталған «Ата-ананың үйін тексер» республикалық акциясы іске қосылды. Төтенше жағдайлар министрлігі азаматтарды ата-аналарының тұрғын үйіне тексеру жүргізіп, электр жүйелеріндегі, жылыту пештеріндегі ақауларды жоюға, өрт датчиктерін орнатуға шақырады.

Өткен жылыту маусымының қорытындысы бойынша біздің Министрліктің жергілікті атқарушы органдармен бірлескен профилактикалық жұмысы арқасында тұрғын үй секторында өрттің (-16%, 3359/3983), сондай-ақ қаза тапқандар (-3,3%, 175/181) мен жарақат алғандар (-28%, 125/173) саны азайған.

Тұрғын үйдегі өрттердің негізгі себептері электр құрылғыларын орнату және пайдалану ережелерін бұзу (шамамен 40%), пешті жылыту және пайдалану кезінде өрт қауіпсіздігі ережелерін бұзу (20-25%), сондай-ақ отты абайсыз қолдану (18-20%) болып табылады.

Министрлік профилактикалық жұмысты маусым бойы жалғастырады және барлық азаматты жауапкершілік танытып, өрт қауіпсіздігі шараларын сақтауға шақырады.

https://www.gov.kz/memleket/entities/emer/press/news/details/1308232?lang=kk

ТЖМ «Ата-анаңның үйін тексер» республикалық акциясын бастады

Біз ата-анамызға қоңырау шаламыз, барып тұрамыз, азық-түлік пен дәрі-дәрмек апарамыз. Ал олардың үйінің қауіпсіздігін соңғы рет қашан тексердік? Жылыту маусымы басталғанда бұл мәселеге ерекше назар аудару маңызды. Қарт адамдар мен жүріп-тұруы қиын жандар қауіп-қатерді өздігінен байқауға, ақауларды жоюға, әсіресе олар жалғыз тұратын болса, өрт орын алған жағдайда үйден тез шығуға қиналуы мүмкін.

ТЖМ азаматтарды ата-анасы мен жақындарының үйіне барып, қауіпсіздік жағдайын тексеруге шақырады:

сымдардың бүтіндігін, розеткалар мен электр құралдарының қызып кетпегенін;

пеш пен жылытқыштардың жарамдылығын, түтін мұржасының тазартылғанын;

пеш пен жылытқыштардың жанында тұтануы мүмкін заттардың жоқтығын;

өрт туралы хабарлағыштың бар-жоғын және оның жұмыс істеп тұрғанын;

үйден тез шығуға үшін есік алдында шығуға кедергі келтіретін заттардың жоқтығын тексеріңіз.

Ақаулар анықталған жағдайда мамандарды жұмылдыра отырып, жөндеу жұмыстарын ұйымдастыруға көмектесіңіз. Жақындарыңызды қауіп-қатермен жалғыз қалдырмаңыз.

Акция аясында азаматтық қорғау органдарының қызметкерлері жалғыз тұратын қарттар мен мүмкіндігі шектеулі азаматтарға, сондай-ақ көмекке мұқтаж адамдарға профилактикалық сапарлар жүргізеді. Қажет болған жағдайда тұрғын үй қауіпсіздігін қамтамасыз етуде және бар тәуекелдерді ескере отырып, өрт датчиктерін орнатуда практикалық көмек көрсетілетін болады.

Жалғыз тұратын қарт көршіңізге де көңіл бөліңіз. Мүмкін, оған көмектесетін басқа ешкімі жоқ шығар. Қамқорлық «Денсаулығыңыз қалай?» деп сұраумен ғана шектелмейді. Оның үйінде қауіпсіздік талаптарының сақталғанына көз жеткізу де маңызды.

Кейінге қалдырмаңыз. Қоңырау шалыңыз. Хабарласыңыз. Ата-анаңыздың үйін тексеріңіз! Ата-анаңыз сізді қорғап, қамқор болды. Енді сіз де оларды қорғаңыз!

https://www.gov.kz/memleket/entities/emer/press/news/details/1307463?lang=kk

«Әділет» партиясы ел аумағында әйелдерге медициналық тексерулер мен дәрігерлерден кеңес алу жұмысын ұйымдастырды

«Әділет» партиясы ел аумағында әйелдерге медициналық тексерулер мен дәрігерлерден кеңес алу жұмысын ұйымдастырды

Қазақстанның барлық өңірінде әйелдер сүт безі обырының алдын алу бойынша тексерілуден өтіп, бейінді дәрігерлерден кеңес алу мүмкіндігіне ие болуда. Бастаманы «Әділет» партиясының Әйелдер қанаты ұйымдастырып отыр. Емханаларда ашық есік күндері, диагностикалық тексерулер мен кездесулер ұйымдастырылып, мамандар сүт безі обырының алдын алу және ауруды ерте анықтаудың маңыздылығы туралы ақпарат беруде.

Мәселен, Астана қаласының №6 қалалық емханасында ашық есік күні өтті. Әйелдер онколог-маммолог және акушер-гинеколог мамандардан кеңес алып, тексерілді. Емхана дәрігері, онкомаммолог Ақтілек Русланованың айтуынша, мұнда күн сайын 30-40 әйел маммографиялық тексеруден өтеді.

«Кейбір әйелдер отбасы мен күнделікті тірлікті бірінші орынға қойып, өз денсаулығын кейінге қалдырады. Уақтылы скринингтен өту ауруды ерте кезеңде анықтап, емдеу шараларын ертерек бастауға мүмкіндік береді», – деді маман.

Дер кезінде диагностикадан өтудің маңыздылығын Гүлбара Құлышева да жақсы біледі. Ол үшін тұрақты тексеруден өту өз денсаулығына қамқорлық жасаудың үйреншікті дағдысына айналған. Ол дәрігерге баруды кейінге қалдырмай, денсаулығына бей-жай қарамауға тырысады.

«Емханада ашық есік күні өтіп жатқанын естіп, тексерілуді ұйғардым. УДЗ-дан өтуді жоспарлап отырмын. Мен денсаулығымды үнемі қадағалап, жыл сайын тексеруден өтіп тұрамын», – деді Гүлбара Құлышева.

Қазақстандықтардың денсаулығы мен медициналық көмектің қолжетімділігі – «Әділет» партиясының сайлауалды бағдарламасындағы басым бағыттардың бірі. Партия өкілдерінің пікірінше, ауруларды емдеумен қатар, оларды ерте кезеңде анықтауға да ерекше мән беру маңызды. Бұл туралы партияның Астана қалалық филиалы төрағасының орынбасары Мария Өтебаева мәлімдеді.

«Әйел денсаулығын қорғау – қоғамның ортақ міндеті. «Әйел өмірі үшін» айлығы аясында «Әділет» партиясы ақпараттық кездесулер мен ашық есік күндерін ұйымдастырып, әйелдерге қажетті медициналық ақпарат пен мамандар кеңесін алуға жағдай жасауға атсалысуда. Басты мақсатымыз – әйелдердің өз денсаулығына уақтылы көңіл бөлуіне ықпал ету», – деді Мария Өтебаева.

Сондай-ақ Жамбыл облысының Жуалы ауданындағы Қошқарата және Күреңбел ауылдарына жылжымалы медициналық кешен барып, 95 адам компьютерлік томографиядан, 92 тұрғын ультрадыбыстық зерттеуден, 34 әйел маммографиядан өтті. Сонымен қатар Байзақ, Жамбыл, Қордай, Сарысу және Мойынқұм аудандарында әйелдермен кездесулер ұйымдастырылды.

Ал Ақмола облысының Көкшетау қаласында «Әділет» партиясының Әйелдер қанаты мен Онколог-маммологтар қауымдастығының ұйымдастыруымен «Сүт безінің денсаулығы туралы 5 минут» атты кездесу өтті. Дәрігер-онкомаммолог Қуаныш Ыдырысов аурудың қауіпті факторлары мен алғашқы белгілері туралы айтып, қатысушылардың сұрақтарына жауап берді.

Ұлытау облысының Сәтбаев қаласында да орталық емханада ашық есік күні өтіп, 200-ге жуық әйел гинеколог, маммолог, хирург және басқа да бейінді мамандардан кеңес алды.

Айта кетейік, «Әйел өмірі үшін» республикалық айлығы аясындағы іс-шаралар еліміздің барлық өңірінде жалғасады. Оның басты мақсаты – әйелдердің өз денсаулығына деген жауапкершілігін арттыру, сүт безі обырының алдын алу және ауруды ерте диагностикалаудың маңыздылығы туралы ақпаратты күшейту.

https://adilet-partiyasy.kz/kz/news/partiya-adilet-organizovala-obsledovaniya-i-konsultatsii-vra
« Older posts Newer posts »

© 2026 ЗЕРЕН

Theme by Anders Noren — Up ↑