⚡️Президент: «Біздің мақсатымыз – шын мәнінде халықтық цифрлық экономика құру»
Month: October 2026 (Page 3 of 37)
⚡️Қасым-Жомарт Тоқаев микро және шағын бизнесті тексеруге үш жылдық мораторий жариялауды ұсынды
⚡️Үкіметке орта бизнесті дамытуға арналған арнайы жоспар әзірлеу міндеті жүктелді
Бүгін Ақмола облысының Өңірлік коммуникациялар қызметінің алаңында ҚР Сауда және интеграция министрлігі Сауда және тұтынушылардың құқықтарын қорғау департаментінің Ақмола облысы бойынша басшысы Сайдалин Самат Мұратұлы «Republic Day» және «Bereke Fest» ауқымды республикалық акцияларын іске асыру барысы туралы баяндады.
Самат Мұратұлының айтуынша, аталған акциялар Көкшетауда 17 қазанда басталып, ұлттық мерекеге орайластырылған. ҚР Сауда және интеграция министрлігі жергілікті атқарушы органдармен бірлесіп жүзеге асырып жатқан бастаманың негізгі мақсаты – тұрғындар үшін қажетті тауарлардың қолжетімділігін арттыру, тұтынушылық сұранысты қолдау, ішкі саудаға қосымша серпін беру және отандық өнімдерді өткізу мүмкіндіктерін кеңейту.
Мерекелік ұсыныстар мен арнайы жеңілдіктердің ең белсенді кезеңі 21-27 қазан аралығын қамтиды. Осы күндері қала тұрғындары мен қонақтары азық-түлік және азық-түлік емес тауарлардың кең ассортиментін төмендетілген бағамен сатып ала алады. Жекелеген тауар санаттарына 10%-дан 50%-ға дейін жеңілдіктер қарастырылған.
Ауқымды сатылымдарға өңірдегі танымал сауда орталықтары, супермаркеттер мен базарлар қосылды. Арнайы ұсыныстар мына нысандарда қолданылады:
Сауда орталықтары мен үйлері: «РИО» СОС, «Жұмбақтас» СҮ, «Глобус» СҮ, «Астана» СҮ, «Жібек Жолы» СҮ, «Арбат» СҮ, «ЦУМ» СҮ, «Электротоваров» СОО, әйелдердің сырт киім салоны «Персона», «Кристалл» СҮ.
Супермаркеттер мен сауда желілері: «SMALL», «Орда», «Аймер», «Лайм», «Inmart», «Союз», «Құлагер», «Семейный».
Базарлар: «VOSTOK» және «Восточный» базары.
Департамент акциялардың 27 қазанды қоса алғандағы кезеңге дейін жалғасатынын еске салады. Қатысушылардың толық тізімімен танысып, қосымша ақпаратты Ақмола облысы әкімдігінің ресми интернет-ресурсынан алуға болады.

Ақмола облысы Төтенше жағдайлар департаменті Мемлекеттік өрт бақылау басқармасы бастығының орынбасары Досбол Жақсыбаев 2026-2027 жылдардағы жылыту кезеңінің өту барысы туралы өзекті ақпарат берді. Синоптиктердің болжамына сәйкес, түнгі уақытта ауа температурасының минус мәндерге дейін төмендеуіне байланысты пешпен жылыту жүйелері мен электр құрылғыларын қарқынды пайдалану салдарынан өрт шығу және иіс газынан улану қаупі артады.
Статистикалық мәліметтерге сәйкес, жылыту кезеңі басталғалы бері облыс аумағында 23 өрт тіркелген. Бұл өткен жылдың осы кезеңімен салыстырғанда 42,5%-ға төмен. Былтыр осы аралықта 40 өрт оқиғасы болған. Материалдық шығын көлемі шамамен 51 млн теңгені құрап, 24%-дан астамға азайған. Оқиғалардың негізгі себептері – электр жабдықтарын орнату және пайдалану талаптарын бұзу, ол жағдайлардың 78%-ында тіркелген, сондай-ақ тұрғындардың отпен абайсыз жұмыс істеуі.
Төтенше жағдайлардың алдын алу мақсатында Төтенше жағдайлар департаменті ауқымды профилактикалық жұмыстар жүргізуде. Мамандар 10 мыңнан астам тұрғын үйді қамтып, халықпен кездесулер өткізді және 850 түтін мұржасын тазалады. Әлеуметтік осал топтарға ерекше көңіл бөлінуде. Олардың үйлеріне 536 автономды иіс газы мен түтін датчигі орнатылды. Өрт қауіпсіздігі талаптарын бұзғаны үшін қазірдің өзінде 18 адам әкімшілік жауапкершілікке тартылып, оның 9-ына жалпы сомасы 194 мың теңгеден астам айыппұл салынды.
Ауа райы суыған кезеңде құтқарушылар тұрғындарға өрт қауіпсіздігі талаптарын қатаң сақтауды ұсынады. Тұтанғыш сұйықтықтарды от жағу үшін пайдалануға, жағылып тұрған пештер мен қосулы электр құрылғыларын қараусыз қалдыруға, электр желілеріне шамадан тыс күш түсіруге болмайды. Сондай-ақ түтін мұржаларын уақтылы тазалап отыру қажет. Иіс газының белгілері байқалған жағдайда бөлмені дереу желдетіп, «112» нөмірі арқылы жедел қызметтерге хабарласу керек.
Сонымен қатар облыс аумағында «Ата-анаңның үйін тексер!» республикалық акциясы жалғасуда. Бастама азаматтарды қарт туыстарына көңіл бөліп, олардың үйлеріне барып, пешпен жылыту жүйелерінің, түтін мұржалары мен электр сымдарының жарамдылығын тексеруге шақырады. Құтқарушылар ақмолалықтарды жақындарының қауіпсіздігіне бейжай қарамай, өрт қауіпсіздігі талаптарын қатаң сақтауға шақырады.


















Жасанды интеллект пен су ресурстары – ауыл шаруашылығын дамытудың жаңа мүмкіндігі
Президент Қасым-Жомарт Тоқаевтың Қазақстан халқына Жолдауында ауыл шаруашылығын заманауи технологиялармен дамыту және су ресурстарын тиімді пайдалану мәселелеріне ерекше мән берілді.
Жасанды интеллектіні агросалаға енгізу егін өнімділігін арттырып, шаруалардың еңбегін жеңілдетуге мүмкіндік береді. Ал су үнемдеу технологиялары мен цифрлық жүйелер табиғи ресурстарды тиімді пайдалануға жол ашады.
Қазақстанның ауыл шаруашылығы әлеуетін арттыру, азық-түлік қауіпсіздігін нығайту және су қорын сақтау – ортақ міндетіміз. Технологияны тиімді пайдаланып, табиғи байлығымызды ұқыпты сақтасақ, ауылдың дамуына және ел болашағына үлес қосамыз.
Суды сақтау – болашақты сақтау. Ауылды дамыту – ел ертеңіне инвестиция салу!
Гүлжаһан Дюсембекова
Зеренді ауданы Әжелер кеңесінің мүшесі
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауында көтерілген мәселелер еліміздің болашағы мен халықтың әл-ауқатын арттыру үшін өте маңызды деп есептеймін.
Ұлттық қордың қаражатын тиімді пайдалану, әрбір жобаның экономикалық және әлеуметтік қайтарымын қамтамасыз ету — мемлекеттің тұрақты дамуының негізгі шарттарының бірі. Бөлінген қаржы халықтың игілігіне жұмсалып, нақты нәтижесін беруі керек. Әсіресе, денсаулық сақтау, білім беру, спорт және мәдениет нысандарының салынуы өңірлердің дамуына серпін беріп, азаматтардың өмір сүру сапасын жақсартуға мүмкіндік береді.
Сонымен қатар, жергілікті шағын және орта бизнес өкілдерін осындай жобаларға тарту жаңа жұмыс орындарының ашылуына, кәсіпкерліктің дамуына және өңірлік экономиканың нығаюына ықпал етеді. Құрылыс жұмыстарының сапасын қатаң бақылау да аса маңызды, өйткені салынған нысандар халыққа ұзақ жылдар бойы қызмет етуі тиіс.
Менің ойымша, бұл бастамалардың басты құндылығы — олардың халықтың күнделікті өмірімен тікелей байланысты болуында. Әрбір азамат сапалы медициналық көмекке, заманауи білімге және спорт пен мәдениетке қол жеткізуге мүмкіндік алуы қажет. Ең маңыздысы — айтылған міндеттер нақты іспен жүзеге асып, халықтың сенімі мен қолдауына ие болуы.
Елдің дамуы — халықтың әл-ауқатынан басталады. Бүгінгі тиімді шешімдер мен сапалы жобалар Қазақстанның жарқын болашағына берік негіз қалайды.
Серік Баймурзин – Зеренді ауданы билер алқасының бас биі
Жолдау – жарқын болашаққа бағытталған маңызды қадам
Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Жолдауы еліміздің алдағы даму бағыттарын айқындап, жаңа мүмкіндіктерге жол ашады. Онда көтерілген бастамалар қоғамды жаңғыртуға, азаматтардың өмір сапасын жақсартуға және елдің болашағын нығайтуға бағытталған.
Цифрландыру, жасанды интеллект, білім беру және ұлттық құндылықтарды сақтау мәселелерінің қатар қамтылуы ерекше маңызды. Заман талабына сай даму мен рухани мұраны дәріптеу өзара үйлесім тапқанда, еліміздің әлеуеті артып, келешек ұрпаққа тың мүмкіндіктер қалыптасады.
Әділдік, бірлік, өзара құрмет пен жауапкершілік – қоғамның берік негізі. Осы құндылықтарды сақтап, жаңашылдыққа ұмтылу арқылы ортақ мақсаттарға қол жеткізуге болады. Жолдауда белгіленген міндеттердің жүзеге асуы ел игілігіне қызмет етіп, Қазақстанның одан әрі дамуына ықпал етеді.
Еліміздің жарқын болашағына бастайтын жол – бірлік пен жасампаздықта. Жаңа бастамаларға қолдау білдіріп, ортақ іске үлес қосу арқылы тұрақты дамуға және келешек ұрпақ үшін мол мүмкіндіктер қалыптастыруға болады.
Қайрат Қазияқпаров – Зеренді ауданы билер алқасының мүшесі
Алатау – жаңа мүмкіндіктерге бастайтын қала
Әрбір үлкен істің артында елдің болашағына деген сенім жатады. Ал Алатау қаласының құрылысы – сондай маңызды жобалардың бірі.
Президент Қасым-Жомарт Тоқаев Жолдауында Алатауды инвестиция мен кәсіпкерлікке қолайлы, жедел дамитын қала ретінде қалыптастырудың маңызын атап өтті. Бұл жерде жаңа жобалар жүзеге асып, заманауи технологиялар енгізіліп, жаңа жұмыс орындары ашылады деп күтілуде.
Алатау – жай ғана жаңа қала емес. Бұл – тың идеяларға, батыл бастамаларға және үлкен мүмкіндіктерге жол ашатын орта. Мұнда кәсіпкерлер өз жобаларын дамытып, инвесторлар сенімді жұмыс істеуге мүмкіндік алады.
Ол үшін әділ әрі тиімді сот жүйесі де қажет. Себебі заңға деген сенім бар жерде бизнес те дамиды, адамдар да болашаққа нық қадам басады.
Алатаудың болашағы зор деп сенемін. Бұл қала Қазақстанның экономикалық дамуына серпін беріп, халыққа жаңа мүмкіндіктер ұсынатын маңызды орталыққа айналуы мүмкін.
Алатау – ел болашағына жасалған батыл қадам және жарқын өзгерістердің бастауы!
Аягөз Жарлығап -көп балалы ана, Зеренді ауданы аналар кеңесінің мүшесі
