Month: October 2026 (Page 31 of 37)

The World Financial Review: Қазақстан инвесторлар үшін тартымды елге айналып келеді

The World Financial Review: Қазақстан инвесторлар үшін тартымды елге айналып келеді

Жаһандық экономика, қаржы және инвестиция мәселелеріне маманданған британдық іскерлік басылым The World Financial Review Қазақстанның шикізаттық сектордан тыс инвестициялық мүмкіндіктерін кеңейтіп жатқаны туралы мақала жариялады. Онда Қазақстан тәуелсіздік алғалы бері посткеңестік экономикадан Орталық Азиядағы ең ірі экономикаға дейінгі жолдан өткені атап көрсетіледі. Бұл ретте елдің табиғи ресурстарға бай болуы оның дамуында маңызды рөл атқарды: мұнай-газ секторы шетелдік капитал тартуға, экспорттық кірістер көлемін арттыруға және ауқымды инфрақұрылымдық жобаларды қаржыландыруға мүмкіндік берді. Дегенмен, шикізатқа негізделген модельдің кемшін тұсы да болды, ондаған жыл бойы ел экономикасының көрсеткіштері әлемдік шикізат бағасына тығыз байланысты болып, ал мұнайдан түсетін табысқа тәуелділік экономиканы әртараптандыру мүмкіндігін шектеді.

Авторлар Қасым-Жомарт Тоқаев экономиканы әртараптандыруды мемлекеттік саясаттың басым бағыттарының бірі ретінде айқындағанын атап өтеді. Өңдеу өнеркәсібін дамыту, инфрақұрылымды жаңғырту және жеке кәсіпкерлікті кеңейту экономиканың жаңа өсу көздерін қалыптастырып, елдің шикізат нарықтарына тәуелділігін біртіндеп төмендетуге бағытталған.

Бұл өзгерістердің нәтижесі экономикалық көрсеткіштерден де көрінеді. 2025 жылдың қорытындысы бойынша жан басына шаққандағы жалпы ішкі өнім 15 мың доллардан асып, жеті жылда 52,9%-ға өсті. 2021–2025 жылдары Қазақстанға тартылған тікелей шетелдік инвестициялардың жалпы ағыны 114,2 млрд долларды құрады. Ал 2019–2025 жылдар аралығында бұл көрсеткіш 155,8 млрд долларға жетті.

Қазақстан халықаралық бизнеске арналған инвестициялық ұсыныстарын біртіндеп кеңейтіп келеді. Елдің дәстүрлі артықшылықтары – қуатты ресурс базасы мен Еуразияның ең ірі нарықтарының арасындағы тиімді орналасуы – қазіргі таңда өсіп келе жатқан ішкі нарық, жаңа өндірістік қуаттардың іске қосылуы, сондай-ақ логистикалық және цифрлық инфрақұрылымның дамуымен толықтырылып отыр.


Ақмола облысында «Әділет» партиясының қоғамдық қабылдау бөлмелеріне тоғыз айда 3,5 мыңнан астам азамат жүгінді

Ақмола облысында «Әділет» партиясының қоғамдық қабылдау бөлмелеріне тоғыз айда 3,5 мыңнан астам азамат жүгінді

Жыл басынан бері Ақмола облыстық «Әділет» партиясы филиалының қоғамдық қабылдау бөлмелеріне 3590 азаматтың өтініші келіп түсті. Олардың 61%-ы оң шешімін тапса, 39% өтініш бойынша азаматтарға тиісті түсіндірмелер берілді.
Ақмола облыстық «Әділет» партиясы филиалының қоғамдық қабылдау бөлмелері азаматтарды тұрақты түрде қабылдап, олармен жұмыстың түрлі форматтарын қолданады. Оның ішінде басшылар мен депутаттардың жеке қабылдауы, сондай-ақ мобильді қоғамдық қабылдау бөлмелерінің көшпелі кездесулері бар.
Азаматтардың өтініштері мемлекеттік органдардың қызметіне қатысты мәселелерді, тұрғын үй кезегіне тұру, алаяқтық, коммуналдық қызметтер, денсаулық сақтау, әлеуметтік қолдау және басқа да өмірлік маңызды мәселелерді қамтиды.
Есепті кезеңде қоғамдық қабылдау бөлмелерінің алаңдарында 1000-нан астам қабылдау өткізіліп, оған 3590 азамат қатысты.
Атап айтқанда, барлық деңгейдегі әкімдер мен олардың орынбасарлары, сондай-ақ жергілікті атқарушы органдардың басшылары 275 қабылдау өткізіп, онда 900 азамат қабылданды. Ал партияның өңірлік және аумақтық филиалдарының төрағалары мен барлық деңгейдегі мәслихат депутаттары 557 қабылдау өткізіп, 1612 азаматтың мәселесін қарады.
Азаматтарға құқықтық мәселелер бойынша адвокаттар, нотариустар және сот орындаушыларының тегін кәсіби кеңесін ұсынатын «Құқықтық көмек» жобасына ерекше назар аударылуда.
Есепті кезеңде жоба аясында 62 қабылдау өткізіліп, оған 351 адам қатысты.
Сонымен қатар шалғайдағы ауылдық елді мекендерде мобильді қоғамдық қабылдау бөлмелерінің көшпелі қабылдаулары ұйымдастырылады. Бұл формат аудан тұрғындарына тұрғылықты жеріне жақын жерде өз мәселелері бойынша кеңес алып, тиісті органдарға жүгінуге мүмкіндік береді.
Жыл басынан бері 110 көшпелі қабылдау өткізіліп, онда 691 азамат қабылданды.
Бұдан бөлек, азаматтардың әлеуметтік желілер арқылы келіп түсетін өтініштері де қаралады. Кей жағдайда, әсіресе жедел әрекет етуді қажет ететін коммуналдық мәселелерді шешу үшін бір ғана хабарламаның өзі жеткілікті болады. Әрбір өтініш назардан тыс қалмайды. Қажет болған жағдайда тиісті органдарға сауалдар жолданып, мәселені шешуге бағытталған шаралар қабылданады.
Қоғамдық қабылдау бөлмесінің жұмысына нақты мысал ретінде Көкшетау қаласының тұрғыны Жадра Кадралиеваның Ақмола облыстық «Әділет» партиясы филиалының төрағасы Берген Беспалиновқа жүгінуін атап өтуге болады.
Әйел өзінің 10 жастағы қызы Альмираға қажетті сөйлеу процессорын ауыстыруға көмек көрсетуді сұраған. Аталған құрылғыны белгілі бір мерзім сайын ауыстырып отыру қажет, алайда оның құны отбасы үшін едәуір қаржылық шығынды талап етеді.
«Мен өз мәселеммен Ақмола облыстық “Әділет” партиясы филиалының төрағасы Берген Беспалиновқа партия ұйымдастырған “Open Air” іс-шарасы барысында жүгіндім. Қызымның сөйлеу процессорына қатысты жағдайды айтып бердім. Осыдан кейін партия филиалы тиісті уәкілетті органдарға сауал жолдап, мәселе қысқа мерзім ішінде шешілді – Астана қаласында бізге сөйлеу процессоры ауыстырылды. Мәселемізді шешуге көмектескені үшін “Әділет” партиясына алғысымды білдіремін. Қызым үшін бұл жай ғана қажетті құрылғы емес, оның толыққанды өмір сүруіне, білім алуына, құрдастарымен араласуына және сүйікті ісімен айналысуына мүмкіндік беретін құрал. Альмира фортепианода ойнайды, сондықтан оның жақсы естуі өте маңызды. Көрсетілген көмектің арқасында ол музыкамен әрі қарай айналысып, дамуын жалғастыра алады», – деді Жадра Кадралиева.
Ақмола облыстық «Әділет» партиясы филиалының төрағасы Берген Беспалинов әрбір өтініштің артында нақты адамның тағдыры тұрғанын атап өтті. Сондықтан азаматтың мәселесін тыңдап қана қоймай, оны іс жүзінде шешуге ықпал ету маңызды екенін айтты.
«“Әділет” партиясының негізгі міндеттерінің бірі – азаматтарға көмек көрсету, олардың заңды құқықтары мен мүдделерін қорғау, сондай-ақ нақты өмірлік мәселелерін шешуге ықпал ету. Қоғамдық қабылдау бөлмесі – әрбір азамат өз мәселесін айтып, қажетті қолдау алып, оның шешілу жолдары бойынша көмекке жүгіне алатын алаң. Партия үшін әрбір өтініштің артында нақты адам және оның тағдыры тұр. Сондықтан азаматты тыңдап қана қоймай, нақты нәтижеге қол жеткізу үшін барлық қажетті шараларды қабылдау маңызды», – деді Берген Беспалинов.
Ақмола облыстық «Әділет» партиясы филиалының мәліметінше, азаматтардың өтініштерімен жұмыс жүргізу қоғамдық қабылдау бөлмесінің қызметіндегі негізгі бағыттардың бірі болып қала береді. Әсіресе әлеуметтік қолдау көрсетуге және тұрғындардың өмір сапасына тікелей әсер ететін мәселелерді шешуге ықпал етуге ерекше көңіл бөлінеді.

Алкоголизмнің алдын алу – денсаулық пен қауіпсіздіктің негізі

Алкоголизмнің алдын алу – денсаулық пен қауіпсіздіктің негізі

Алкогольге тәуелділік адамның денсаулығына, отбасына, еңбекке қабілеттілігіне және қоғамдық қауіпсіздікке кері әсер етеді. Алкогольді шамадан тыс тұтыну отбасылық жанжалдарға, құқық бұзушылықтарға және басқа да келеңсіз жағдайларға әкелуі мүмкін.

Қазақстанда алкогольді тұтынудың алдын алу – халықтың денсаулығын қорғау және құқық бұзушылықтардың профилактикасы бағытындағы мемлекеттік саясаттың маңызды бөлігі.

Жастар арасында профилактикаға ерекше көңіл бөлінеді. Қазақстан Республикасында алкоголь өнімдерін 21 жасқа толмаған адамдарға сатуға тыйым салынған. Сатып алушының жасына күмән туындаған жағдайда сатушы жеке басын куәландыратын құжатты талап етуге міндетті.

Сонымен қатар алкоголь өнімдерін бөлшек саудада өткізуге уақыт бойынша шектеулер белгіленген. Заң талаптарын бұзғаны үшін әкімшілік жауапкершілік қарастырылған.

Алкоголизмнің алдын алуда отбасының рөлі ерекше. Ата-аналар балалар мен жасөспірімдердің мінез-құлқындағы өзгерістерге назар аударып, олардың ортасы мен қызығушылықтарын бақылап, салауатты өмір салтын қалыптастыруға жағдай жасауы қажет.

Алдын алу жұмысы тек тыйым салумен шектелмейді. Мәселені ерте анықтау, медициналық және психологиялық көмекке уақытылы жүгіну де маңызды.

«Заң және тәртіп» қағидаты әр адамның жауапты мінез-құлқынан басталады. Заң талаптарын сақтау, алкогольді шамадан тыс тұтынудан бас тарту, өз денсаулығына және жақындарының қауіпсіздігіне жауапкершілікпен қарау – қауіпсіз әрі тұрақты қоғам қалыптастырудың маңызды шарттары.

Алдын алу – мәселенің салдарымен күресуден бұрын, оның алдын алу.

ІІМ «Балаларға назар аударыңыз!» жедел-профилактикалық іс-шарасының қорытындысын шығарды

ІІМ «Балаларға назар аударыңыз!» жедел-профилактикалық іс-шарасының қорытындысын шығарды

Қазақстан Республикасы Ішкі істер министрлігінде балалардың қауіпсіздігін қамтамасыз етуге, құқық бұзушылықтардың алдын алуға және кәмелетке толмағандардың қауіпсіздігіне қатысты заңнама талаптарының сақталуын бақылауды күшейтуге бағытталған республикалық «Балаларға назар аударыңыз!» жедел-профилактикалық іс-шарасының қорытындысы шығарылды.

Іс-шара барысында кәмелетке толмағандардың түнгі уақытта ересектердің еріп жүруінсіз жүруінің алдын алуға ерекше назар аударылды.

«Республикалық «Балаларға назар аударыңыз!» жедел-профилактикалық іс-шарасының қорытындысын шығара отырып, ата-аналардың назарын балалардың түнгі уақытта ересектердің қарауынсыз жүру жағдайларына аударғым келеді. Барлығы 25 мыңнан астам кәмелетке толмаған анықталды», – деді ІІМ Әкімшілік полиция комитеті басқармасының бастығы Асхат Дюсембеков.

Ол ата-аналарды балалардың қайда және уақытын қалай өткізіп жүргенін бақылауды күшейтуге шақырып, ата-аналық міндеттерді тиісінше орындамағаны үшін жауапкершілік қарастырылғанын еске салды.

Іс-шара аясында мүдделі мемлекеттік органдармен бірлесіп, білім беру ұйымдарына іргелес аумақтардағы жол инфрақұрылымын талаптарға сәйкестендіру бойынша жұмыстар жүргізілді.

Тексеру қорытындысы бойынша үш мыңға жуық нұсқама беріліп, анықталған кемшіліктерді жою бойынша тиісті шаралар қабылдануда. Заңды талаптарды орындамағаны үшін 40-тан астам лауазымды тұлға жауапкершілікке тартылды.

Сонымен қатар балаларды тасымалдауға пайдаланылатын автокөлік құралдарының техникалық жағдайы тексерілді. Балалар білім алатын орындардағы қауіпсіздік шаралары күшейтілді.

Білім беру ұйымдарының әкімшіліктерімен бірлесіп, оқушылар үшін қауіпсіз орта қалыптастыру мақсатында нысандардың техникалық қорғалуын қамтамасыз ету жұмыстары жалғасуда.

Іс-шара барысында халық арасында ақпараттық-түсіндіру жұмыстары да ұйымдастырылды. Оның негізгі мақсаты – ата-аналардың жауапкершілігін арттыру және балалардың қауіпсіздігін қамтамасыз ету талаптарын сақтау қажеттілігі туралы қоғамның хабардарлығын күшейту.

Бұл бағыттағы профилактикалық жұмыстар құқық бұзушылықтардың алдын алуға, заң талаптарын сақтауға және азаматтардың балалардың қауіпсіздігіне деген жеке жауапкершілігін арттыруға бағытталған «Заң және тәртіп» қағидаттарымен сабақтас.

«Осы ретте балалардың қауіпсіздігіне, ең алдымен, ата-аналар жауапты екенін тағы да еске саламыз. Баланың мінез-құлқын, эмоционалдық жағдайын күнделікті бақылап, қандай да бір алаңдатарлық белгілер байқалған жағдайда полиция органдарына дереу хабарлау маңызды.

Балалардың оқу орындарындағы, көшелер мен жолдардағы қауіпсіздігін қамтамасыз етуге бағытталған профилактикалық жұмыстар жалғасуда», – деді Асхат Дюсембеков.

eGov атынан қоңырау шалу: алаяқтардың жаңа схемасынан сақ болыңыз

Қазақстанда алаяқтар eGov және ХҚО қызметкерлері ретінде танысып, азаматтарды ЭЦҚ-ға қатысты мәселемен қорқыту арқылы алдау схемасын қолдануда.

2026 жылғы қыркүйекте Ішкі істер министрлігі мен Бас прокуратура осындай жағдайлар туралы ескертті. Алаяқтар алдымен ЭЦҚ-ның мерзімі аяқталғанын немесе азаматтың атына жаңа ЭЦҚ шығарылғанын айтып, кейін жеке кабинет бұзылғанын және адамның атына кредит рәсімделгенін хабарлайды.

Содан кейін «мәселені шешу» үшін жаңа кредит рәсімдеуді немесе ақшаны «қауіпсіз шотқа» аударуды ұсынады.

Бұл – алаяқтық.

СҚО-да тіркелген схемалардың бірінде қоңырау шалушылар азаматқа ЭЦҚ мерзімін ұзарту үшін телефондағы 1 батырмасын басуды ұсынған. Кейін басқа адам қоңырау шалып, осы әрекеттен кейін жеке кабинет бұзылғанын және азаматтың атына кредит рәсімделгенін айтқан. Алаяқтар мәселені шешу үшін «қарсы кредит» рәсімдеп, ақшаны «қауіпсіз шотқа» аударуды талап еткен.

Құқық қорғау органдарының мәліметінше, бірнеше күн ішінде Солтүстік Қазақстан облысының тұрғындарынан осындай 20-ға жуық қоңырау туралы ақпарат түскен.

Алаяқтар көбіне бірнеше «маманды» іске қосады. Алдымен eGov немесе ХҚО қызметкері, кейін «банк қауіпсіздік қызметінің», «құқық қорғау органының» қызметкері қоңырау шалады. Бұл азаматқа мәселенің шынайы екеніне сендіру үшін жасалады.

Бас прокуратураның мәліметінше, қыркүйек айында eGov қызметкерлері ретінде танысқан алаяқтарға қатысты 30-ға жуық факт тіркелген. Кейбір жағдайларда азаматтарға олардың атына ЭЦҚ шығарылғаны айтылған. Осындай схемаға тап болған Тараз тұрғынына кейін оның атына жеті банктен кредит рәсімделгені хабарланып, әйел үшінші тұлғалардың шоттарына 2 млн теңгеден астам ақша аударған.

Маңыздысы: ЭЦҚ-ны күтпеген телефон қоңырауы кезінде «ұзарту», «іске қосу» немесе «қайта шығару» туралы ұсынысқа сенуге болмайды.

«Ұлттық ақпараттық технологиялар» АҚ мәліметінше, ЭЦҚ-ны қайта шығару үшін бір SMS-код жеткіліксіз. Белгіленген сәйкестендіру рәсімдері, оның ішінде биометриялық аутентификация қарастырылған.

Сондай-ақ ХҚО және eGov қызметкерлері банктік құпияға жататын ақпаратқа қол жеткізе алмайды. Сондықтан мемлекеттік қызмет атынан адамның атына кредит рәсімделіп жатқаны туралы хабарлау – алаяқтықтың белгісі.

Не істеу керек:

– күдікті қоңырау болса, әңгімені бірден тоқтату;
– SMS-кодтарды, құпиясөздерді және ЭЦҚ деректерін ешкімге айтпау;
– қоңырау шалушы жіберген сілтемелерге өтпеу;
– ақпаратты eGov-тың ресми сайты немесе қосымшасы арқылы өз бетінше тексеру;
– бейтаныс адамның нұсқауымен кредит рәсімдемеу;
– ақшаны «қауіпсіз», «резервтік» немесе «қорғалған» шоттарға аудармау.

Егер азамат SMS-кодты айтып қойса немесе ақша аударса, дереу банкке ресми нөмір арқылы хабарласу қажет. Сонымен қатар жеке кредиттік есепті тексеріп, алаяқтық кредит анықталған жағдайда банкке немесе МҚҰ-ға жүгініп, өтінішті тіркеу керек.

Телефон нөмірлері, хат алмасулар, сілтемелер, скриншоттар және төлем түбіртектері сияқты барлық дәлелдерді сақтап, құқық қорғау органдарына хабарласқан жөн.

ЭЦҚ деректері бұзылды деген күдік болса, оны кері қайтарып алу немесе қайта шығару рәсімдерін тек ресми сервистер арқылы жүргізу қажет.

Есте сақтаңыз: мемлекеттік органдар телефон арқылы кредит рәсімдеуді, ақшаны басқа шотқа аударуды немесе SMS-кодты айтуды талап етпейді. Күтпеген қоңырау кезінде асықпай, ақпаратты ресми арналар арқылы өзіңіз тексеріңіз.

Дереккөз: Fingramota.kz

eGov атынан қоңырау шалу: алаяқтардың жаңа схемасынан сақ болыңыз

Қазақстанда алаяқтар eGov және ХҚО қызметкерлері ретінде танысып, азаматтарды ЭЦҚ-ға қатысты мәселемен қорқыту арқылы алдау схемасын қолдануда.

2026 жылғы қыркүйекте Ішкі істер министрлігі мен Бас прокуратура осындай жағдайлар туралы ескертті. Алаяқтар алдымен ЭЦҚ-ның мерзімі аяқталғанын немесе азаматтың атына жаңа ЭЦҚ шығарылғанын айтып, кейін жеке кабинет бұзылғанын және адамның атына кредит рәсімделгенін хабарлайды.

Содан кейін «мәселені шешу» үшін жаңа кредит рәсімдеуді немесе ақшаны «қауіпсіз шотқа» аударуды ұсынады.

Бұл – алаяқтық.

СҚО-да тіркелген схемалардың бірінде қоңырау шалушылар азаматқа ЭЦҚ мерзімін ұзарту үшін телефондағы 1 батырмасын басуды ұсынған. Кейін басқа адам қоңырау шалып, осы әрекеттен кейін жеке кабинет бұзылғанын және азаматтың атына кредит рәсімделгенін айтқан. Алаяқтар мәселені шешу үшін «қарсы кредит» рәсімдеп, ақшаны «қауіпсіз шотқа» аударуды талап еткен.

Құқық қорғау органдарының мәліметінше, бірнеше күн ішінде Солтүстік Қазақстан облысының тұрғындарынан осындай 20-ға жуық қоңырау туралы ақпарат түскен.

Алаяқтар көбіне бірнеше «маманды» іске қосады. Алдымен eGov немесе ХҚО қызметкері, кейін «банк қауіпсіздік қызметінің», «құқық қорғау органының» қызметкері қоңырау шалады. Бұл азаматқа мәселенің шынайы екеніне сендіру үшін жасалады.

Бас прокуратураның мәліметінше, қыркүйек айында eGov қызметкерлері ретінде танысқан алаяқтарға қатысты 30-ға жуық факт тіркелген. Кейбір жағдайларда азаматтарға олардың атына ЭЦҚ шығарылғаны айтылған. Осындай схемаға тап болған Тараз тұрғынына кейін оның атына жеті банктен кредит рәсімделгені хабарланып, әйел үшінші тұлғалардың шоттарына 2 млн теңгеден астам ақша аударған.

Маңыздысы: ЭЦҚ-ны күтпеген телефон қоңырауы кезінде «ұзарту», «іске қосу» немесе «қайта шығару» туралы ұсынысқа сенуге болмайды.

«Ұлттық ақпараттық технологиялар» АҚ мәліметінше, ЭЦҚ-ны қайта шығару үшін бір SMS-код жеткіліксіз. Белгіленген сәйкестендіру рәсімдері, оның ішінде биометриялық аутентификация қарастырылған.

Сондай-ақ ХҚО және eGov қызметкерлері банктік құпияға жататын ақпаратқа қол жеткізе алмайды. Сондықтан мемлекеттік қызмет атынан адамның атына кредит рәсімделіп жатқаны туралы хабарлау – алаяқтықтың белгісі.

Не істеу керек:

– күдікті қоңырау болса, әңгімені бірден тоқтату;
– SMS-кодтарды, құпиясөздерді және ЭЦҚ деректерін ешкімге айтпау;
– қоңырау шалушы жіберген сілтемелерге өтпеу;
– ақпаратты eGov-тың ресми сайты немесе қосымшасы арқылы өз бетінше тексеру;
– бейтаныс адамның нұсқауымен кредит рәсімдемеу;
– ақшаны «қауіпсіз», «резервтік» немесе «қорғалған» шоттарға аудармау.

Егер азамат SMS-кодты айтып қойса немесе ақша аударса, дереу банкке ресми нөмір арқылы хабарласу қажет. Сонымен қатар жеке кредиттік есепті тексеріп, алаяқтық кредит анықталған жағдайда банкке немесе МҚҰ-ға жүгініп, өтінішті тіркеу керек.

Телефон нөмірлері, хат алмасулар, сілтемелер, скриншоттар және төлем түбіртектері сияқты барлық дәлелдерді сақтап, құқық қорғау органдарына хабарласқан жөн.

ЭЦҚ деректері бұзылды деген күдік болса, оны кері қайтарып алу немесе қайта шығару рәсімдерін тек ресми сервистер арқылы жүргізу қажет.

Есте сақтаңыз: мемлекеттік органдар телефон арқылы кредит рәсімдеуді, ақшаны басқа шотқа аударуды немесе SMS-кодты айтуды талап етпейді. Күтпеген қоңырау кезінде асықпай, ақпаратты ресми арналар арқылы өзіңіз тексеріңіз.

Дереккөз: Fingramota.kz

ШҚО-да «Шығыс Салбурыны-2026» аясында құсбегілік бойынша І Азия кубогі өтеді

ШҚО-да «Шығыс Салбурыны-2026» аясында құсбегілік бойынша І Азия кубогі өтеді

9–10 қазан күндері Ұлан ауданы, Бозанбай ауылындағы «Бүркіт төбеде» қазақтың дәстүрлі құсбегілік өнерін дәріптейтін «Шығыс Салбурыны – 2026» І Азия кубогі өтеді.

Айтулы халықаралық додаға 9 елдің бүркітшілері қатысып, бүркіт, қаршыға, сұңқар және ителгімен бақ сынайды.

Көрермендер назарына ұлттық спорттың бірегей түрлері – тазы жарысы, асау үйрету, жамбы ату, теңге ілу және «Толағай» жарысы ұсынылады.

Мерекелік кеште танымал өнер жұлдыздарының қатысуымен концерттік бағдарлама өтеді.

Ұлттық рух пен дәстүрді дәріптейтін, спорт пен өнер тоғысатын айтулы шараға баршаңызды отбасыларыңызбен бірге келіп, тамашалауға шақырамыз.

https://www.gov.kz/memleket/entities/akimvko/press/news/details/1304971?lang=kk

Қазақстан құрамасы Азиада-2026 ойындарын 84 медальмен аяқтады!

Қазақстан құрамасы Азиада-2026 ойындарын 84 медальмен аяқтады!

Жапонияның Айти және Нагоя қалаларында өткен XX жазғы Азия ойындарында спортшыларымыз:

🥇 12 алтын
🥈 24 күміс
🥉 48 қола медаль жеңіп алды.

Жалпыкомандалық есепте Қазақстан 8-орынға тұрақтады.

Азиада-2026 тарихи жетістіктерге де толы болды. Алексей Луценко Азия ойындарындағы алтын медаль санын 6-ға жеткізіп, Қазақстан тарихындағы ең көп алтын алған спортшы атанды. Ал семсерлесуден ерлер құрамасы 24 жылдан кейін командалық жарыста чемпион атанды.

Сонымен қатар Қазақстан спортшылары академиялық ескек есуден, таеквондодан және бірқатар спорт түрлерінен ел тарихындағы алғашқы медальдарға қол жеткізді. Ауыр атлет Алексей Чуркин жұлқа көтеруде әлемдік рекордты жаңартты.

👏 Спортшыларымыздың әрбір жеңісі – ел спортының жаңа белесі!

🇰🇿 84 медаль – Қазақстан қоржынына түскен үлкен жетістік!

#Азиада2026

« Older posts Newer posts »

© 2026 ЗЕРЕН

Theme by Anders Noren — Up ↑