🤖 AI & Digital Bridge 2026: Қазақстанда жасалған робототехника
1–3 қазан аралығында Астанада өтетін AI & Digital Bridge 2026 форумында Qazbot Technologies гуманоидті және өнеркәсіптік роботтарының бірқатар үлгісін таныстырады.
Келушілер адамдармен қарым-қатынас жасайтын, кеңістікте өздігінен бағдарланатын, өндіріс, логистика және инфрақұрылым салаларында қолдануға арналған роботтардың мүмкіндіктерін көре алады.
Компанияның ауқымды жобаларының бірі – 2026 жылғы тамызда Астанада құрылысы басталған Қазақстандағы алғашқы гуманоидті роботтар зауыты. Аумағы 15 мың шаршы метр өндірістік және ғылыми-технологиялық кешеннің іске қосылуы 150-ден астам жұмыс орнын құруды көздейді. Жобаның алғашқы кезеңіне шамамен $200 млн инвестиция қарастырылып, кәсіпорын жылына 5 мыңға дейін робототехникалық жүйе өндіре алады.
🤖 Форумда A2, X2 гуманоидті роботтары, G2 өнеркәсіптік платформасы, C5 автономды тазалау роботы және D1 төрт аяқты роботтандырылған платформа ұсынылады.
