Бұл – мемлекеттің дамуына жаңа серпін беруге бағытталған маңызды қадамдардың бірі. Конституция елдің саяси, құқықтық және әлеуметтік жүйесінің негізін айқындайтын басты құжат болғандықтан, оны жетілдіру – уақыт талабына сай табиғи процесс.
Жаңа жоба мемлекет пен қоғам арасындағы байланысты нығайтуға мүмкіндік береді. Конституциялық жаңару арқылы мемлекеттік институттардың тиімділігі артып, азаматтардың құқықтары мен мүмкіндіктерін қорғау тетіктері де күшейе түседі деген үміт бар. Сонымен қатар, мұндай бастамалар елдің болашақ дамуына стратегиялық тұрғыдан қарауға жол ашады.
Маңыздысы – бұл құжаттың қоғамдық талқылаудан өтуі. Азаматтардың пікірлері мен ұсыныстары ескерілген сайын жаңа Конституция халықтың шынайы мүддесін білдіретін құжатқа айналады. Бұл өз кезегінде қоғамдағы сенімді арттырып, азаматтардың мемлекет ісіне белсенді қатысуына ықпал етеді.
Жаңа Конституция жобасы – елдің тұрақты дамуына бағытталған маңызды бастама. Ол қоғамның бірлігін нығайтып, Қазақстанның болашақтағы даму жолын айқындауға көмектесетін маңызды құжат бола алады.
Г. Ибраева-Зеренді ауданы аналар кеңесінің төрайымы
