Ақмола облысында «Болашақ прокурорлар кеңістігі» атты іс-шара өтті

Қазақстан Республикасы прокуратура органдарының құрылғанына 35 жыл толуына орай Ақмола облысының прокуратурасы Шоқан Уәлиханов атындағы Көкшетау университетінің заң факультеті студенттерімен «Болашақ прокурорлар кеңістігі» атты кездесу ұйымдастырды.

Іс-шара барысында болашақ заңгерлерге прокурорлық қызметтің ерекшеліктері, қызметке қабылдау тәртібі және үміткерлерге қойылатын талаптар туралы ақпарат берілді.

Кездесуге прокуратура органдарының ардагері қатысып, студенттермен кәсіби тәжірибесімен бөлісіп, заңға қызмет етудің маңыздылығы туралы әңгімеледі.

Мұндай кездесулер жастардың кәсіби бағдарын қалыптастыруға, прокурорлық қызметтің қыр-сырын тереңірек түсінуге және болашақ мамандығын саналы түрде таңдауға ықпал етеді. Сонымен қатар, ұрпақтар сабақтастығын нығайтып, прокуратура органдарының болашақ кадрлық әлеуетін қалыптастыруға мүмкіндік береді.

Бастама «Заң мен тәртіп» идеологиясы аясында жүзеге асырылып, жастардың құқықтық мәдениетін арттыруға, заңға құрмет пен қоғам алдындағы жауапкершілікті қалыптастыруға бағытталған.

Жақсы ауылында «Жасыл болашақ» челленджі аясында 90-нан астам шырша отырғызылды

«Таза Қазақстан» республикалық экологиялық акциясы аясында Ақмола облысының Жақсы ауылында «Жасыл болашақ» эко-волонтерлік челленджі ұйымдастырылды. Игі бастаманың мақсаты – елді мекенді көгалдандыру, қоршаған ортаны қорғау мәдениетін қалыптастыру және тұрғындарды туған өлкенің көркеюіне үлес қосуға шақыру.

Шара барысында ауылдың орталық көшесіне 90-нан астам шырша ағашы отырғызылды. Көгалдандыру жұмыстарына 120-дан астам волонтер мен ауыл тұрғыны қатысты. Олардың қатарында жергілікті этномәдени бірлестіктердің өкілдері, Ақсақалдар кеңесі мен Аналар алқасының мүшелері болды. Түрлі қоғамдық ұйымдар мен аға буын өкілдерінің белсенділігі ортақ іске деген жауапкершіліктің жоғары екенін көрсетті.

Қатысушылар бірлесе еңбек етіп, ауылдың келбетін жақсартуға бағытталған нақты іске атсалысты. Отырғызылған шыршалар алдағы уақытта жайқалып өсіп, орталық көшенің сәнін арттырып, елді мекеннің экологиялық жағдайын жақсартуға септігін тигізеді.

Мұндай бастамалардың маңызы тек көгалдандыру жұмыстарымен шектелмейді. Олар тұрғындардың табиғатқа деген жанашырлығын арттырып, жастарға туған жерді күтіп ұстаудың үлгісін көрсетеді. Әсіресе, волонтерлер мен ауыл тұрғындарының бірлескен еңбегі қоғамдағы ынтымақ пен азаматтық белсенділіктің жарқын көрінісі болды.

«Таза Қазақстан» – қоршаған ортаны қорғауды күнделікті өмір салтына айналдыруға бағытталған ортақ қозғалыс. Ал Жақсы ауылында өткен «Жасыл болашақ» челленджі осы мақсат жолындағы маңызды қадамдардың бірі болып, туған өлкенің жасыл әрі көрікті болашағына үлес қосты.

Конституция – ел тұрақтылығы мен дамуының берік негізі

Конституция – мемлекеттің құқықтық жүйесінің негізін қалайтын, қоғам өмірінің маңызды қағидаттарын айқындайтын басты құжат. Ол елдің саяси, әлеуметтік және экономикалық дамуының бағыттарын белгілеп қана қоймай, әрбір азаматтың құқықтары мен бостандықтарының сақталуына кепілдік береді. Сондықтан Ата Заңға құрметпен қарау, оның талаптарын сақтау – әрбір азаматтың міндеті әрі азаматтық жауапкершілігінің көрінісі.

Тәуелсіз Қазақстанның қалыптасуы мен дамуында Конституцияның орны ерекше. Ол мемлекеттілігіміздің берік негізін қалыптастырып, қоғамдық келісім мен тұрақтылықты қамтамасыз етуге қызмет етіп келеді. Конституцияда бекітілген демократиялық, зайырлы, құқықтық және әлеуметтік мемлекет қағидаттары еліміздің даму бағдарын айқындайды.

Конституцияның басты құндылығы – адам, оның өмірі, құқықтары мен бостандықтарының жоғары бағалануы. Әрбір азаматтың заң алдында тең болуы, білім алуға, еңбек етуге, медициналық көмек алуға және өз ойын еркін білдіруге құқығы болуы – құқықтық мемлекеттің маңызды белгілері. Сонымен қатар, азаматтардың заңды құрметтеуі, өз міндеттерін адал орындауы және қоғам алдындағы жауапкершілігін сезінуі де маңызды.

Қазіргі кезеңде Конституциялық реформалар мен қоғамдық жаңғыру үдерістері еліміздің саяси-құқықтық жүйесін жетілдіруге жаңа мүмкіндіктер ашып отыр. Конституциялық өзгерістердің негізгі мақсаты – мемлекеттік басқарудың тиімділігін арттыру, азаматтардың қоғамдық-саяси өмірге қатысуын кеңейту және халық пен билік арасындағы өзара сенімді нығайту. Бұл бағыттағы бастамалар мемлекеттің одан әрі дамуына және қоғамның жаңаруына негіз болады.

Әсіресе, өскелең ұрпақтың құқықтық сауаттылығын арттырудың маңызы зор. Жастар өз құқықтары мен міндеттерін жақсы білуі, заң талаптарын сақтауы және қоғамдық өмірге белсенді араласуы қажет. Осы бағытта білім беру ұйымдарында, жастар орталықтарында және қоғамдық алаңдарда түсіндіру кездесулерін, пікірталастар мен танымдық іс-шараларды ұйымдастыру маңызды.

Зеренді ауданында да Конституцияның мәні мен маңызын түсіндіру, құқықтық мәдениетті қалыптастыру және заңға құрметпен қарау құндылықтарын насихаттау бағытындағы жұмыстардың маңызы ерекше. Бұл ретте мемлекеттік органдармен қатар, қоғамдық ұйымдардың, ардагерлердің, жастардың және жалпы аудан тұрғындарының белсенділігі маңызды рөл атқарады.

Конституция – тек заңдар жинағы емес, ол – мемлекет пен қоғам арасындағы өзара жауапкершіліктің негізі. Ата Заң қағидаттарын сақтау, азаматтардың құқықтарын құрметтеу, заң мен тәртіпті берік ұстану арқылы біз тұрақты әрі әділетті қоғам қалыптастыра аламыз.

Конституцияға құрмет – елге құрмет. Ал заң үстемдігі мен азаматтық жауапкершілік – жарқын болашаққа бастайтын ортақ құндылықтар.

Жолдау – ел дамуының стратегиялық бағдары

Мемлекет басшысының Қазақстан халқына арнаған Жолдауы – елдің алдағы даму бағытын айқындап, маңызды міндеттерді жүзеге асыруға негіз болатын стратегиялық құжат. Онда мемлекеттің әлеуметтік-экономикалық дамуы, халықтың әл-ауқатын арттыру, өңірлердің әлеуетін нығайту және қоғамның тұрақты дамуын қамтамасыз етуге бағытталған басымдықтар кеңінен қамтылған.

Бүгінгі жаһандық өзгерістер жағдайында еліміздің бәсекеге қабілеттілігін арттыру, экономиканы жаңғырту және жаңа мүмкіндіктерді тиімді пайдалану айрықша маңызға ие. Осы орайда Президент ұсынған бастамалар елдің ұзақ мерзімді дамуына негіз қалайды. Әсіресе, экономикалық өсімді халықтың нақты тұрмыс сапасын жақсартумен ұштастыру, жаңа жұмыс орындарын ашу, кәсіпкерлікті қолдау және инфрақұрылымды жетілдіру мәселелері ерекше назар аударуға тұрарлық.

Ел дамуының маңызды көрсеткіштерінің бірі – өңірлер мен ауылдық аумақтардың өркендеуі. Өйткені ауылдың тыныс-тіршілігі, ондағы әлеуметтік нысандардың жағдайы, жол, ауызсу және инженерлік инфрақұрылымның сапасы тұрғындардың күнделікті өміріне тікелей әсер етеді. Сондықтан ауылдық елді мекендерді дамытуға бағытталған жобаларды жүйелі жүзеге асыру, жергілікті мәселелерді шешу және қолайлы өмір сүру ортасын қалыптастыру – мемлекеттік саясаттың маңызды бағыттарының бірі.

Сонымен бірге адами капиталды дамыту, білім беру мен денсаулық сақтау салаларының сапасын арттыру, жастарға қолдау көрсету мәселелері де ел болашағы үшін айрықша мәнге ие. Білімді, еңбекқор, бастамашыл әрі жауапкершілігі жоғары ұрпақ қалыптастыру – мемлекеттің тұрақты дамуының басты кепілі. Жастардың сапалы білім алып, кәсіби тұрғыдан дамуына және қоғам өміріне белсенді араласуына мүмкіндік жасау баршамыздың ортақ міндетіміз.

Жолдауда көтерілген тағы бір маңызды бағыт – қоғамда заң мен тәртіп қағидаттарын нығайту, азаматтық жауапкершілікті арттыру және еңбек құндылығын дәріптеу. Заң талаптарын сақтау, қоғамдық тәртіпке құрметпен қарау, адал еңбек ету және ортақ іске бейжай қарамау – өркениетті қоғамның негізгі белгілері. Мемлекет дамуы тек мемлекеттік органдардың жұмысына ғана емес, әрбір азаматтың белсенділігі мен жауапкершілігіне де байланысты.

Бұл міндеттерді жүзеге асыруда жергілікті деңгейдегі жұмыстардың орны ерекше. Зеренді ауданы үшін де Жолдауда белгіленген басым бағыттар маңызды бағдар болып табылады. Ауданның әлеуметтік-экономикалық дамуын қамтамасыз ету, ауылдардың инфрақұрылымын жақсарту, тұрғындардың әл-ауқатын арттыру, жастарды қолдау және қоғамдық бастамаларды дамыту бағытындағы жұмыстар алдағы уақытта да өз жалғасын табуы тиіс.

Жалпы, Мемлекет басшысының Жолдауы – тек алдағы міндеттерді айқындайтын құжат қана емес, сонымен қатар қоғамды ортақ мақсатқа жұмылдыратын маңызды үндеу. Оның нәтижелі жүзеге асуы мемлекеттік органдардың, қоғамдық ұйымдардың, кәсіпкерлік субъектілерінің және азаматтардың өзара ынтымақтастығына байланысты.

Елдің жарқын болашағы – бүгінгі нақты істер мен ортақ жауапкершіліктің нәтижесі. Әрбір азамат өз ортасының дамуына үлес қосып, ел игілігі жолында белсенділік танытқанда ғана алға қойған мақсаттарымызға қол жеткізе аламыз.

Бурабайда халықаралық деңгейдегі конгресс-орталық салынады

Бурабайда халықаралық форумдар, көрмелер мен ірі мәдени іс-шараларды өткізуге арналған көпфункционалды конгресс-орталықтың құрылысы басталды. Жаңа нысан бір мезетте мыңға дейін көрермен қабылдап, курорттың туристік әлеуетін арттыруға және жыл бойы туристер тартуға мүмкіндік береді.

Құрылысқа ресми бастау берген Ақмола облысының әкімі Марат Ахметжанов жобаның «Халықтық құрылыс» бағдарламасы аясында жүзеге асырылып жатқанын атап өтті.

«Бұл жобаның MICE-туризмді дамытудағы маңызы ерекше. Конгресс-орталық инвестиция тартуға, шағын және орта бизнесті, қоғамдық тамақтандыру, көлік және қызмет көрсету салаларын дамытуға серпін береді», – деді облыс әкімі.

Кешен Promenade Burabay аумағында, 3,1 гектар жер учаскесінде орналасады. Екі қабатты ғимараттың жалпы ауданы шамамен 13 мың шаршы метрді құрайды. Мұнда мың орындық көрермен залы, 160 адамға арналған конференц-зал және күніне 500 келушіні қабылдайтын көрме алаңдары қарастырылады.

Сонымен қатар орталықта балалар мен ересектерге арналған шығармашылық студиялар ашылады. Олар вокал, би және музыка бағыттарын қамтып, 2,5 мың тұрғынның шығармашылықпен айналысуына мүмкіндік береді.

Кешенде Қазақстанның тарихы мен мәдениетіне арналған музей кеңістігі, суретшілер мен қолөнер шеберлеріне арналған шеберханалар, сондай-ақ цифрлық және мультимедиалық студиялар жұмыс істейді.

Жобаның негізгі мақсатының бірі – туристік ағынның маусымдық тәуелділігін азайту. Конгресс-орталықтың іске қосылуы жыл бойы конференциялар, көрмелер, концерттер мен түрлі мәдени-білім беру іс-шараларын өткізуге жол ашады. Бұл курорттағы қонақүйлердің, мейрамханалар мен басқа да кәсіпкерлік нысандарының дамуына оң ықпал етеді.

Нысанның құрылысы 2025–2029 жылдарға арналған Щучинск-Бурабай курорттық аймағын дамытудың кешенді жоспарына енгізілген. Құрылысты 2028 жылы аяқтау жоспарланып отыр.

МЕН ЕЛІМДІ ЖАҚСЫ КӨРЕМІН….

Отанға деген сүйіспеншілік әр адамның жүрегінде әртүрлі көрініс табады. Бірі туған жерінің табиғатын мақтан тұтса, енді бірі халқының бірлігі мен ұлттық құндылықтарын жоғары бағалайды.

Мереке қарсаңында елорда тұрғындарына «Мен елімді не үшін жақсы көремін?» деген сұрақ қойып, олардың жүрекжарды жауаптарын тыңдадық.

🎥 «Бүгін Live» ақпараттық-танымдық бағдарламасы.

#jibekjoly #бүгінlive

🇰🇿 Адал азамат қандай болуы керек?

Адалдық, әділдік, еңбекқорлық пен жауапкершілік – әр азаматтың бойынан табылуы тиіс маңызды қасиеттер.

Мемлекет басшысы Қасым-Жомарт Тоқаев ұсынған «Адал азамат» тұжырымдамасы осы құндылықтарға негізделген.

🎤«Бүгін LIVE» бағдарламасы қала тұрғындары арасында блиц-сауалнама жүргізіп, көпшіліктің пікірін тыңдады.
#jibekjoly #бүгінlive

📚 СҮЙІКТІ КІТАБЫҢЫЗ ҚАНДАЙ?

📖 Әр адамның жүрегінде ерекше орын алатын, қайта-қайта оқығысы келетін кітабы болады.

Ал қала тұрғындары қандай кітап оқиды? Қай шығарманы сүйіп оқиды?

Сіздің сүйікті кітабыңыз қандай? 📚

👇 Пікірге жазып, өзгелерге де оқуға кеңес беріңіз!

Көкшетауда жаңа Қазақ музыкалық-драма театрының құрылысы басталды

300 орындық өнер ордасы «Сарыарқа» шағын ауданында бой көтереді. Ал Чайкино ауылында небәрі төрт айда жаңа мектеп салынып, пайдалануға берілді.

Сонымен қатар өңірде 630 орындық көпбейінді аурухананың құрылысы аяқталуға жақын. Бұған қоса, өңірдің энергетикалық әлеуетін арттыру мақсатында 69 миллиард теңгеге 75 жоба қолға алынған.

Толығырақ: https://www.youtube.com/watch?v=WrhmFx6Pibg

#халықтыққұрылыс
#ауқымдықұрылыс
#большаястройка

Жолдау – жарқын болашаққа бастайтын маңызды қадам

Мемлекет басшысының Қазақстан халқына арнаған Жолдауы – еліміздің болашағына бағыт-бағдар беретін, қоғамның дамуына серпін беретін маңызды құжат. Онда елдің тұрақты дамуын қамтамасыз ету, халықтың тұрмыс сапасын жақсарту және жаңа мүмкіндіктерге жол ашу бағытындағы өзекті мәселелер қамтылған.
Бүгінгі таңда еліміздің алдында тұрған басты міндеттердің бірі – экономикалық өсімді қамтамасыз етіп қана қоймай, оның нәтижесін әрбір азаматтың игілігіне бағыттау. Осы тұрғыдан алғанда, Президент Жолдауында көтерілген бастамалардың маңызы ерекше. Әсіресе, өңірлерді дамыту, ауылдардың әлеуетін арттыру, инфрақұрылымды жаңарту және халыққа қолайлы өмір сүру ортасын қалыптастыру мәселелері қоғам сұранысына толық жауап береді.
Ауылдың дамуы – мемлекеттің дамуы. Сондықтан ауылдық елді мекендердегі жол, ауызсу, электрмен жабдықтау, әлеуметтік нысандардың жағдайы секілді мәселелерді кезең-кезеңімен шешу тұрғындардың өмір сапасын арттыруға ықпал етеді. Бұл бағыттағы жұмыстардың жүйелі жүргізілуі ауыл тұрғындарының болашаққа деген сенімін нығайтады.
Жолдауда адами капиталды дамытуға да ерекше мән берілуі құптарлық. Сапалы білім, қолжетімді медициналық қызмет, жастарды жұмыспен қамту және олардың кәсіби тұрғыдан қалыптасуына жағдай жасау – кез келген қоғамның өркендеуінің негізгі көрсеткіштері. Әсіресе, жас ұрпақтың білімді, бәсекеге қабілетті және отаншыл болып қалыптасуы еліміздің ұзақ мерзімді дамуы үшін аса маңызды.
Сонымен қатар, қоғамдағы жауапкершілік, заң мен тәртіпті сақтау, еңбекке құрметпен қарау және азаматтардың белсенділігін арттыру мәселелері де өзекті. Әрбір азамат өз міндетіне жауапкершілікпен қарап, ортақ іске үлес қосқанда ғана көзделген мақсаттарға қол жеткізуге болады.
Президент Жолдауының құндылығы – оның нақты міндеттерді айқындап, ел дамуының басым бағыттарын белгілеуінде. Бұл бастамаларды жүзеге асыру мемлекеттік органдардың, қоғамдық ұйымдардың, кәсіпкерлердің және барша азаматтардың бірлескен әрекетін талап етеді.
Зеренді ауданы үшін де ел көлемінде белгіленген міндеттердің маңызы зор. Ауданның әлеуметтік-экономикалық әлеуетін арттыру, ауылдардың көркеюіне ықпал ету, тұрғындардың ұсыныс-пікірлерін ескеру және өзекті мәселелерді шешу – баршамызға ортақ міндет.
Жолдау – болашаққа бағдар, ал оның орындалуы – ортақ жауапкершілік. Ел игілігі жолындағы әрбір игі бастама нақты іспен жалғасқанда ғана өз нәтижесін береді.