Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
🚨 19 қазан – Құтқарушылар күні
2026 жылы Қазақстан Республикасы Төтенше жағдайлар жөніндегі мемлекеттік комитетінің құрылғанына 31 жыл толып отыр. Бүгінде азаматтық қорғау органдарында 27 мыңнан астам қызметкер еңбек етеді.
Жыл басынан бері ТЖМ бөлімшелері шамамен 82 мың рет шақыртуға шықты. 8,8 мыңнан астам адам құтқарылып, 10,3 мыңнан астам азамат эвакуацияланды. 3,2 мыңнан астам зардап шеккен адамға медициналық көмек көрсетілді.
Бұл көрсеткіштердің артында төтенше жағдайларда адамдарға алғашқылардың бірі болып көмекке келетін мамандардың күнделікті еңбегі тұр.
🚒 2026 жылы елімізде 17 өрт сөндіру депосы мен 8 құтқару станциясы салынды. 292 өрт сөндіру бекеті құрылып, олардың қызмет көрсету аймағына 900-ден астам елді мекен қамтылды.
🚁 ТЖМ-нің авиациялық паркі 45 әуе кемесінен тұрады. Сондай-ақ ведомство бөлімшелерінде 242 ұшқышсыз ұшу аппараты бар. Жыл басынан бері дрондар шамамен 5 мың операцияға қатысып, олардың көмегімен 28 адам құтқарылды.
🌊 Соңғы екі жылда құтқару бөлімшелеріне 41 жылдам жүретін катер берілді. Шомылу маусымында 376 адам, оның ішінде 125 кәмелетке толмаған бала құтқарылды.
Өрттерді ерте анықтау және су тасқынын болжау жүйелері дамытылып, құтқару техникасы, авиациялық инфрақұрылым мен байланыс құралдары жаңартылуда. Төтенше жағдайлардың алдын алуға және бөлімшелердің дайындық деңгейін арттыруға ерекше көңіл бөлінеді.
Қазақстанның өрт сөндіру және құтқару қызметтерінің тарихында қызметтік міндеттерін орындау кезінде 77 қызметкер қаза тапты. Олардың ерлігі мен борышына адалдығы адамдарға қызмет етудің жарқын үлгісі болып қала береді.
Құтқарушылар күні құтты болсын! Азаматтық қорғау органдарының барлық қызметкерлеріне кәсібилігі, батылдығы және кез келген сәтте көмекке келуге дайын болғаны үшін алғыс білдіреміз.
Сіздердің басты міндеттеріңіз – адам өмірін сақтау! 🇰🇿
