Бір-біріне түсіністікпен қарап, сыйластықта өмір сүрген ортада әрқашан тыныштық орнайды. Достық адамдарды жақындастырып, бір-біріне қолдау көрсетуге жетелейді. Ал келісім – түрлі пікір мен көзқарастың үйлесім табуы, ортақ мақсатқа ұмтылуы. Қазақ халқы ежелден «Бірлік бар жерде – тірлік бар» деп бекер айтпаған. Қазіргі Қазақстанда түрлі ұлт өкілдерінің тату-тәтті өмір сүруі осы достық пен келісімнің нақты көрінісі. Бір-бірін құрметтеген халық қашанда биік шыңдарды бағындырады. Достық арқылы адамдар қуанышты да, қиындықты да бірге еңсереді. Келісім орнаған ортада әділдік пен сенім нығаяды. Бұл қасиеттер жастарға үлгі болып, олардың бойында отансүйгіштік пен адамгершілік сезімін қалыптастырады. Достық – жүректерді жақындатса, келісім – қоғамды біріктіреді. Осындай құндылықтарды сақтай білген елдің болашағы жарқын болмақ. З. Қазиякпарова – Зеренді ауданы ардагерлер кеңесі төрағасының орынбасары