Мен түрлі кезеңдерді бастан өткердім. Сол жылдар ішінде бір нәрсеге көзім анық жетті: халықтар арасындағы татулық – ең үлкен байлық. Біз бір елде әртүрлі ұлт өкілдерімен қатар өмір сүріп келеміз. Көрші болып араластық, бірге еңбек еттік, балаларымызды бірге өсірдік. Осындай қарапайым өмірдің өзі адамдарды жақындастырады. Бір-біріне түсіністікпен қараған жерде реніш те ұзаққа бармайды. Меніңше, достық үлкен сөздерден емес, күнделікті сыйластықтан туады. Адамдар бір-біріне жылы сөз айтса, көңіл де тынышталады. Қуаныш та, қиындық та бірге бөліскенде жеңілдейді. Жас ұрпақ осыны көріп өссе екен деймін. Себебі татулықты көріп өскен бала мейірімді болады. Ал мейірімділік бар жерде бейбіт өмір сақталады. Менің өмірлік тәжірибем осыны дәлелдеп берді.
Қуанышбек Албаев – Зеренді ауданы ардагерлер кеңесінің мүшесі
